خواتي انا حامل في بجري والحين في الاسبوع 32 يعني في الثامن ,,, دوم اقرا مواضيع انه في الشهر التاسع او جريب الولادة لما اتسيرين المستشفى تفحصج الدكتورة فحص داخلي يعني بايديها عشان اتشوف كم فاتح وانا ووايد خايفة من هالشي بس اتخيل احس قشعريرة اتجيسني ماتخيل انه الدكتورة اتحط ايديها والله احس اني بمووت من الزياغ والالم اتعرفون اني احاتي هالشي اكثر من الولادة احس اني مابخلي الدكتورة تفحصني … شو اسوي عشان اشل هالفكرة من راسي 
يعني لازم هالفحص
والسموحة
كل الحريم مرو ب هالشي ..و حطي في بالج ..هالشي ما يضر لا سمح الله ..على حد علمي هو اجراء ضروري ..
و الله ايسر لج امورج ..
اختي لا تخافين انا هذا حملي الرابع وما قد فحصوني إلا وقت الطلق واصلا ما راح تحسين إلا بالم خفيف إذا خذتي نفس عميق عند الفحص والفحص يكون بسرع يعني مب ذااك الويع اللي يستاهل تخافين بسبته بس اتوكلي على الله و الله بيسهلها علينا كلنا إن شاء الله
المشاركة الأصلية كتبت بواسطة moon1999 
اختي لا تخافين انا هذا حملي الرابع وما قد فحصوني إلا وقت الطلق واصلا ما راح تحسين إلا بالم خفيف إذا خذتي نفس عميق عند الفحص والفحص يكون بسرع يعني مب ذااك الويع اللي يستاهل تخافين بسبته بس اتوكلي على الله و الله بيسهلها علينا كلنا إن شاء الله
مشكوورة حبيبتي عل الرد
بس الدكتوره تبا مصلحتي والمسحة لمصلحتي عن الامراض
ولا سمح الله الاورام
وهيه تسوي حتى طلع فيني التهاب
وماكنت ادري
صح تالمت ونزل شوي دم بس قالت لي طبيعي من المسحة
وفتحت النفس بقطعه بلاستيك هب بيدها
انا على اخر حمل حطت الجهاز و طلع فيني طلق و جان تفحص شافته نص سانت ,, باقي على موعدي 10 ايام ..
قالتلي دام جي عادي اتربين يوم الثاني روحي امش و عشان اتربين الليله بس
اليوم الثاني كان عيد الفطر جان اقوول لا اريده بعد العيد ان شاء الله …
ربيت ثاني يوم العيد الفجر ………….^^ و يبت احلى عزوز و عمره 2 سنه .^^
فديتج مب شرط انهاا تفحصج .. هيه بتسألج اذا تبين فحص داخلي ولا لا وانتي اللي تقررين ..
وهوه مااايعور الا عوااااار بسييييييييييييييط .. ونصييييييييحه لا تشدين يوم تفحصج خلج ريلاكس وخذي نفس عميييييييييييييييييييييق.. وحتى حزة الولادة يوم ايج الويع خذي نفس عميييق فكل ويعه والله يسهل عليج ..