مرحبا بناااااااااااات… توني رادة من اجازة اليوم الوطني.. سرت انا وريلي الفجيرة ويلسنا في فندق جال.. الفندق ياباني وهو في نفس الوقت منتجع وسبا… الحمدلله وايد استانسنا والفندق وايد راقي ومريح وصدج اللي يبغي يسوي ريلاكس يسير هناك… انا توقعت الفندق يكون ستايل ياباني وكل شي ياباني وحركات بس طلع ستايل ويسترن ومودرن يعني مش تقليدي ياباني بس الصراحة السيرفس والراحة كلها متوفرة الحمدلله
.. وايد مواطنين وعوايل واجانب هناك… وناسة
بس المشكلة الاجانب اللي تارسين البلاد.. والله الواحد مايروم ييلس عالبحر على راحته لأنه كل أجانب مسدحين عالبحر بلبس البحر (العياذ بالله)
بس اللهم بالليل ينخشون داخل.. حزتها نروم نسير ونتمشى عالبحر على راحتنا…
والشي اللي ما عيبني وايد الاكل.. يعني المطاعم متوفرة بس اكلهم مش هاك الزود… بس يالله دبرنا حالنا…
اهم شي استانسنا وتمشينا في الفجيرة (وكانت هاي اول مرة اسير هناك) وعيبتني وايد ببساطتها وطبيعتها وجبالها وبحرها.. الله يديم الامن عليها وعلى اهلها
بس الغاليه ممكن سؤال ؟ ….. كم دفعتوووا ليوم واحد ؟؟
والله يوفقج ويسعدج دنيا وآخره 
لقيت غرفة ديلكوس – مطلة ع البحر بــ 800 يعني سعره حلو للي يبا يتم فترة ..
مقارنة
ب
ميريديان العقة اللي غرفته الديلوكس بـ 1200 .. اعتقد انها ديلوكس مب متأكدة..
بعدني بحاول ادور حجوزات ارخص ف هالفندقين عن طريق مكاتب السياحة والعطلات