كل عام وانتم بخير ومباركين شهر رمضان والله يتقبل منا ومنكم الصيام والقيام …………..
أخواتي بنات الإمارات الغاليات في عطلة العيد إن شاء الله راح نجي دبي والعام الماضي سكنا في فندق برجمان روتانا سويتس وزوجي أعجبه موقع الفندق لأن وراه مسجد كبير أظنه مسجد الحبتور،وهو حاب لو نسكن بدبي هالمرة يكون السكن قريب من مسجد مايبي مصلى الفندق أو المول يبي مسجد أو جامع عشان صلاة الجمعة بعد يعني يروح للمسجد مشي مو بسيارة وحابين بعد نغير عن هالفندق ونجرب فندق ماقد سكناه قبل، وقد سكنا قبل كذا في فنادق زينة لكنها للأسف ماكانت جنب مساجد، فالي تعرف فندق زين أو شقة فندقية قريبة من مسجد تقول لنا ومو مشكلة السعر إذا كان مايزيد عن الألف ريال ،وحبيت اسال بعد هل الشقق القريبة من مول الإمارات قدامها مساجد أو جوامع لأني قريت مرة موضوع بأحد المدونة عن شقق قريبة من مول الإمارات وكانت حلوة وفخمة بس ماأدري هل جنبها مسجد أولا ؟
وجزاكم الله خير على تعاونكم وإفادتكم لي ،وفي انتظار ردودكن وأنا عارفة إن شاء الله إنكم ماراح تقصرون معي .
أختي عندج فندق الشانغريلا على شارع الشيخ زايد.. وراه مسجد بالضبط سكنته مرتين وااايد حلوو .. وكل شيء حذاله من مطاعم وصيدليات وكوفي شوبز..
الله يعطيج العافية أختي شهد ماقصرتي ،اسمع ناس يمدحون الشنغريلا وحلو إن قدامه مسجد وبقية الخدمات.