قضيت إجازة العيد في فندق أتلانتس في جزيرة النخلة…
طبعا الفندق يعتبر يديد لين ألحين.. ومسوي ضجة كبيرة.. وفعلا تأكدت من ها الشي لأن عليه زحمة فظيييييييعة…
بالنسبة للحجز، حاليا وااايد صعب.. دايما الفندق فل..
نحن حاجزين أول ما فتح في رمضان,, وطبعا الأسعار تختلف.. أول ما فتح كانت الغرفة بـ 1700..
حاليا الأسعار تبدأ من 2700.. وهذا سعر الغرف العادية…
يبت لكم مجموعة من الصور وأتمنى تعجبكم….
مدخل الفندق من برع…
اللوبي فيه ها النافورة.. عبارة عن زجاج متداخل في بعظه..
ماشاء الله رهييييييبة بمعنى الكلمة.. وكبيرة وايد حتى أني خذتها في كمن لقطة..
وهذا السقف…
اللهم الباب الخشبي اللي باين في خلفية الصورة، يفتح على البانيو اللي في الحمام..
هذا اللي أقصده…
الحمام..
كل زاوية فيها إبداع في الديكور.. يعني الفن والدقة والابتكار واضحين..
ماشاء الله تحفه معمارية…
الأكواريوم…
الدخول للكبار بـ 100 ،، بس مثل ما قلت اللي ساكنين في الفندق الدخول ببلاش..
ها البوابات تدخل للحديقة المائية،، ومنطقة الدلافين،، والمسابح… وأشياء ثانية مالحقنا نشوفها..
وقبلها في شبابيك تاخذون منها التذاكر..نحن قررنا نروح للدلافين..الدخول تقريبا 285 للشخص.. ولنا نحن ببلاش..
..
وهذي المناظر للمنطقة اللي بعد البوابات…
مدخل عرض الدلافين..
وهني العرض.. بس للأسف طولوا واااايد لين ما بدوا.. وما لحقت أصور..
هذا كان تقريري المتواضع..
أتمنى أنه يعجبكم…
بس حرام نحن ما لقينا حجز فيه 
وتسلمين الغاليه ع ها الصور الحلوه ومواضيعج اصلاا كلها حلوه