فقدت جنيني للمره الثالثه (الجزأ الاول) لسلامتك

عاد انا هني تحمست يوم اتصلت السستر قلت حق ريلي قوم اشتريلي تيستر وريلي فديته على طول قام تسبح وتلبس راح الصيدليه وياب التحليل كلير بلو المهم قلتله اطلع برا الغرفه او برا البيت لاني ما احب اسوي التحليل وهو في البيت
وقلتله انا بسير الحمام وبسوي التحليل يعني لو طلع سالب علشان ايلس اروحي واصيييح ما احب حد يشووفني المهم ريلي مب راضي يطلع معاند وانا معانده ما بسويه لحد ما يطلع تمينا ساعه ونحن على هالحال اخر شي قلت ما شي فايده سرت الحمام وسويت الفحص وسبحان الله اول مره يطلعلي الموجب قبل السالب وفرحت وااااااااايد وطلعت من الحمام مستانسه وريلي على طول عرف قلتله مبرووووك بتستوي بابا استانس وااايد ودقينا على الدكتور وقلتله انا حامل فرح واايد الدكتور بس قالي سوي فحص دم علشان اطمن عليج اكثر
العصر رحت وسويت فحص دم وقالي المختبر تريي ساعتين لحد ما تطلع النتيجه وانا يالسه على اعصابي لاني وااايد اوسوس المهم عقب هم اتصلو على ريلي قالوله مبرووووووك حامل استانس ريلي طلعت النسبه ما شاءالله 195 وطرشنا الفحص بالفاكس على الدكتور وقالي الدكتور تعالي بعد اسبوعين والله ريلي واايد فرحان وانا واايد مستانسه يعني الصراحه شعور لا يوصف لان صدق الواحد الي محرووم وفجاه ايي هالشي فرحه عجيبه لا توصف والدكتور عطاني موعد تاريخ 2-2-2017 وانا انتظر هالسبوعين اباهم يمرون عندي بسررررعه …..
هذا الجزء الاول
وانتظروو الجزء الثاني
لاني صدق تعبانه ومب قادره اكمل دموعي تراسه عيني والله كرهت الدنيا وما فيها الحمدلله على كل حال..

ان لله وان اليه لراجعون

حبيبتي قولي الحمدالله على كل حآل

عيل شو تقولين عني انا 3 مرآت مب شويه في 10 شهوؤر

بس الحمــــــــــــــدالله الحمـــــــــــــدالله الحمــــــــــــــــــدالله

بيشفعولنا يوم القيآمــه وربي بيعوض علينا عوض خيـر ان شاء الله

الله يعوضج خير انشالله

ويثبت حملج الياي