فــــــــــــترة الملجة !!!!!!! حدودها و آدابها !!!!!!!!! موضوع مهم عالم الامومة

السلام عليكم

ندخل ف الموضوع ع طوووووووول

ليش المشاكل تكثر و المصايب و الطلاق !!!
ليش ما في تفاهم ولا حب ولا احترام !!!
الدنيا بعدها بخير بس نحن اللي نتغير !!!

نبدأ بسم الله

كل وحدة بتملج او بتنخطب تحط ها الرمسة "حلقة ف ودانها "

1- تبدأ المشاكل و خراب البيوت من الثرثرة الزايدة و نقل الكلام ، إياج ثم إياج تنقلين الرمسة من بيتج ل بيت ريلج او العكس او تثرثرين عن اسرار بيتج و خصووووصياتج حتى لو مع الحريم او مع ربيعاتج ، حاسبي حاسبي حاسبي ، مب عسب محد يحسدج لا يا عيوني
هاي اسرار وما تنقال لأي شخص!!!!!!!!

2- الفلوس تروح و ترد تفاهمي مع ريلج ع كل نقاط العرس ، هاتي ورقة و قلم و اكتبوا كل شي ، حاسبي ادخلين اهلج او اهله ف الموضوع ، تفاهموا مع بعض ،
حتى و ولو حسيتي انه بيقصر ف العرس ، ترى الفلوس تروح و ترجع .

3- الريال يحب الحرمة البشووووووشة ، مب اللي مادة البوز و كله تبغي كوشة تبغي فستان تبغي المصمم الفلاني ……….الخ الحياة مب طلبات و بس

4- حاسبي من نقطة مهمة وهي اهم نقطة خليييييها شرات صوت الجرس ف اذنج ، انتي في فترة ملجة يعني سوي اللي تبغينه وانا اقول لج سوي اللي تبغينه
الا الشي اللي ف بالي لا تسوينه !!!!!!!!

أول ما ملجت الوالدة في نفس اليوم نصحتني
" هذا ريلج حلالج استانسي اظهري سوي اللي تبغينه إلا شي واحد حاسبي تسوينه "

طبعا انا ضحكت لاني كنت خبلة
بس مع الايام استوعبت الموضوع
انتبهوا بنات انتبهوا

وحدة من ربيعاتي سوت ها الشي ف الملجة والله ما كملت سنة عقب الزواج الا اطلقت تدرون ليش !
لان الريال تضارب وياها ع اشياء عبيطة ما تسوي
و عقب عق عليها رمسة قال هاي اصلا ما كانت بنت في ليلة العرس و تم يحلف ع القران
والله يا بنات ترى صدق بطيييحييين من عين الريال .

5- دايما شجعي ريلج ع امور معينه مثل الصلاة ، يترك التدخين ، يزور اهله ، يزور اهلج ، يعني سيري بيت اهله بيت اهلج بيت عمومتج خليه يعيش جوكم العائلي في فترة الملجة
ولا تنسين اتصلي ف عمتج( ام ريلج ) بين فترة و الثانية
ولو مثلا تدخلت في موضوع العرس كلمة ان شاء الله او الله كريم ع لسانج يعني خلج بشووشة مهما قالت ، و ترى لازم اطنشين شوويه ولا بتتعبين

6- خلي ريلج يصرف ع العرس حاسبي تحطين من فلوسج ع العرس
حتى ولو تنازلتي عن اشياء لان ميزانيييته ما تكفي او سويتي شي بسيط للعرس
لانج لو بديتي حياتج بفلوسج باجر بيتعود ع ها الشي ، بس لا تكلفينه فوق طاقته ،
ولو حابة تزيييدين من فلوسج ع الزهاب او امور ف العرس بدون ما يعرف
يعني ممكن تقولين هدية من اخوانج من ها القبيل ترى مب حلوة انج تسوين كل شي،
بس ف النهاية ها الامر راجع لج ممكن يكون خيار شخصي.

7- التنويييع ف اللبس و المكياج شي اساسي يا بنات البسي كل شي عسب يتعود طبعا مب كل شي كل شي خخخخخخخ يعني تدرون شو اقصد
(بنطلون – فستان – مخورة ………..الخ )
ترى لو ما تعود باجر بيعلق عليج و ع ستايل لبسج
خووووو ها الريايييل فالحين ف التعليق

8- سوي الاكلات اللي يحبها و اللي ما تعرف تطبخ شرات حالتي لازم تتعلم
ذكرتوني مرة سويت له بيض و طماط
ترى عادي سوي اللي تعرفينه عسب يدري انج تتعلمين الطبخ عشانه
الحين ما شاء الله كل ما الوالدة تجوفني تقول لي اخر شي توقعته انج تطبخين
اسوي كل شي طباخي تعذيب نفسي

9-تصدقون ان طريقة تقديم الاكل لها اثر كبير ،،،
اشتري صحون تقديم تكون راقية شرات المطعم
ترى في صحون للسويتات او للفواكه او للباستا ……..الخ
حتى طريقة التزيين /// مب لازم تطبخين ترى الطبخ تطور
في اشياء جاهزة و ممكن تقصين الفواكه و تحطينها بطريقة مرتبة

10- لا تنسين اهم شي تهتمين فيه صحتج و لياقتج و جمالج
( عليج بالاشياء الفرش الطازجة و الفواكه و الخضراء )
( الحمام المغربي بشكل اسبوعي + حمام الزيت او الاعشاب للشعر )
هذا خليهم رووتين عننننننندج

11- لا تذمين اهلج او اهله مهما كان الوضع
و حاولي تمدحينهم بشكل معقول
خاصة يدام ريلج

12- عوديه تكونييين له المنبه اتصلي وعيه للصلاة للدوام …….الخ

13- اي وقت تتضاربين مع ريلج و يكون عندج
انصحج تحضنينه ع طول و بيهدأ بإذن الله
اخاف يشوتج ولا شي بس انا ما بخصني ابدا خخخخخخخ

14- حاسبي حد يجكج مع ريلج وانتي في موقف مخل بالآداب ههههه
ترى هاي الامور تكثر في ها الفترة خاصة اليهال او يوم حد يدخل فجأة
خاصة ان اليهال ما ينسون

يا لهووووتي

طبعا انا حالي حال اي وحدة لازم لازم ف فترة الملجة فيها اكشن و ضرابة
بس عادي ترد الامور لمجاريها ولا تزودين الدلع و التغلي ترى بيطفر ف النهاية

أول ما طبقت هاي الامور ————>>> حسيت اموري تمام التمام

و تغيرت للأحلى و للأحسن
و الحمد الله يمكن لان طبعي واااااااااايد بشووشة و الابتسامة ما تفارقني
يعني خلج متفائلة دايما مهما كانت همومج و مشاكلج

و شكرا لحسن المتابعه

يزاج الله خير اختي كفيتي ووفيتي بارك الله فيج

ههههههههههههههههههههه

يا عمري اسلووووبج طررر بالنصيحه يزاج الله خير

ذكرتيني ببعض المواقف هههههه

وبضيف عليج شي

اذا صار بينج وبينه اي شي اختلافات وماكنتي فاهمه كيف تردين تصبري ولا تندفعين بنفس اللحظه واستشيري احد يكون متفهم بهالامور ويعطيج النصيحه الزينه

شي بنات مايعرفون اشقا يتصرفون بهاللحظات فلازم الاستشاره وعدم الاندفاع ^^

والله خاطري اشوف عنصر رجالي منزل موضوع ويقول فترة الملجه لازم جي نسوي ويا الحرمه ونهتم فيها ونراعيها وهدايا وغيره هههههههههههههههههههه اتخيل هههههههههههه

فديتنا والله مافي احن منا شايلين همومهم ><

بالتوفيج حبايبي ^^

السلام عليكم

مشكوره عالموضوع الحلوو
بس احترت وين اسألج عالخاص
او ف الموضوع عشان غيري يستفيد من سؤالي
تراني ماعرف شي

يوم قلتي اسوي ايي شي الا الي ف بالي
وانه تحملي ان اليهال او اي حد يشوفنا ف موقف محرج

يعني يصير يستوي بيننا شي قبل العرس بس بحدود جي قصدي
السمووحه منج احرجتج وياي بس ابي توضحين لي اكثر "-.-

عشان غيري يعرف ويستفيد منج ^-^ والي عنده شي يضيف خخ

تسلمين فديتج كفيتي ووفيتي ، وربي يسعدج وييا ريلج ويخليكم لبعض

الله يسعدج فديتج موضوع حلووووو

ههههههههههههههههههههه
يعطيج العافية عالموضوع الحلو
و اتمنى ربنا يتمم لكل وحدة على خير ياااااااااا رب
و ينولنا اللي فبالنا ان شاء الله

فــــــــــــترة الملجة !!!!!!! حدودها و آدابها !!!!!!!!! موضوع مهم عالم الامومة

اترك تعليقاً إلغاء الرد