السلام عليكم
اشحالكم عساكم بخير خواتي
اليوم طبخت لكم اكله أنما ايه على قولت اخوانا المصريين هههههههههه
بتاكلون اصابيعكم وراها
المقادير سهله وفي كل بيت وسهل انكم تيبونها
وسمحولي عاد يقول لكم الطريقه بالغتنا المحليه
ببتدي بالمقادير
خبز ايراني
دجاج صدور طبعا بدون عظم
جزر
قشطه
جبن بوك او المراعي او اي نوع بس يكون سائل
بصل
كزبره خضرا مفرومه
وثوم
ملح
كركم
زيت لقلي البصل
وزيت الزيتون لدهن الفطاير
بهارات افضل نوع الكاري لانه اطيب يطلع في الطعم
وانا ماحطيت مقادير للكميه حطوا حسب افراد العائله
بنبتدي بطريقه
اول شي نحط الدجاج على النار ويوم يغلي نزيل عنه الرغوه
يوم نشوفه قرب النضج نحط الملح والكركم عليه
ونخليه شويه لين ياخذ الدجاج لون اصفر من الكركم
تقريبا ربع ساعه
بعدين نطفي النار عنه ونخليه يبرد و نفتته قطه صغار
ناخذ الجزر ونبشره في المبشره نخليه ناعم مانقطعه مبشور
احسن شي بمبشرة الجبن
نقطع البصل سرايح ونحمره في الزين يوم يحمر البصل نحط الجزر عليه
ونحركه على نار هاديه لين نشوف الجزر نضج ناخز الدجاج المفتت وثوم
ونحطه على الجزر والبصل ونحط عليه الكاري وشويه ملح لاتنسون انه الدجاج مالحينه من قبل ونخليه
على نار هاديه نغطيه وبين فتره وفتره نحركه لانه كل شي ناضح بس نبغي الخلطه تاخذ من لون الجزر وطعم الكاري ومانطول في طبخه تقريبا ربع ساعه نحط عليه الكزبره المفرومه ونطفي النار عنه ونخليه يبرد
ويوم نتأكد انه بارد مب حار بيخترب الاكل تراه
نحط القشطه والجبن عليه ونحلطه
وهذي صورة الخلطه وهي جاهزه
ونجهز صينيه للفرن
وناخذ الخبز الايراني ونحط عليه خلطة الدجاج ونسكرها نسويها نفس السندويش نسكرها من كل الجهات على شان ماتطلع الخلطه وتخرب علينا الفطاير ويطلع طعمها محروق
وهذي صوره الخبز وانا محطيه عليه خلطة الدجاج
بعد مانخلص من لف الكميه الفطاير الي عندنا
ونسخن الفرن وندهن الفطاير بزيت الزيتون ونحطها في الفرن
وهذي صورة الفطاير وانا محطيتنه في الصينية الفرن
وهذي صورة الفطاير بعد ماطلعته من الفرن ماخذه لون ذهبي
نطلعها من الفرن ونقدمها
وهذا شكلها النهائي بعد ماجهزت وقدمتها في الصحن
وألف صحه وعافيه على قلبكم
وللي عنده اي سؤال انا خاضره
قولولي عاد شو رايكم في طبخي وبغيكم تجربونه ان شاء الله يعجبكم
:22 (22): وهني مقدما :22 (22):
بتوفيج لج ان شاء الله
مشكوره على مرورج