ومرحبا الساع
شحالكم ؟؟
اليوم حبيت اني اكتب هذا الموضوع لما له من فايد كبيرة ومعلومات مهمه بنستفيد منها كلنا ان شاء الله …. والموضوع هو مجلس (( للنساء طبعا )) اتناقش فيه عن المصممين والخيايط ومحلات الفساتين الي في الامارات ونكتب عن تجاربنا معاهم ورأينا في معاملتهم وتصاميمهم و الوقت الي يأخذه المصمم علشان يجهز التصميم والاسعار …
وابي اشوف رايكم في الموضوع
وشكرا
الاولى ام محمود في الشارجه..
فساتينها حلوه وناعمه وسمل… اغلبها شغل من فوق ومن تحت قصه سمجه بس الناعم الفخم وكل الي عندها ابيض او اوف وايت فاتح يعني ماابتحصلين عندها اوف وايت وذهبي او ابيض بكرستالات ملونه.. وتعاملها حلو وتراعيج اغلى فستان ب12 الف اجاره ونازل…
الثانيه ميثا المطروشي في عيمان..
فساتينها حلوه بس فساتينها واااااااايد وماترومين تشوفين شي من زحمه الفساتين راسج يصدع لكن فساتينها حلوه اتيج اللي بقصات من تحت وكسرات وطبقات وتحصلين ابيض وبني فاتح وابيض بكرستالات ملونه يعني يناسب كل الاذواق هيه طيبه وماتقصر مع اني مارمستها الا بالتلفون لكن مبين عليها طيبه… لكن الفلبينيات اللي حاطتهن يتمن يتاففن لو طلبتي يهرولج اكثر عن فستاان وينرفزونج شوي لكن ماشي الحال والاسعار
الثالثه ريم في الشارجه.. ونصيحيه اللي بيسير الشارجه يمر ع ريم وام محمود قراب من بعض بينهم دوار وكم شارع..
فساتينها حلوه صراحه ونفس الشي بقصات وانا اجرت فستاني عندها ب12 بس واااااااااايد مشغول من فوق لين تحت وراعتني لانه اول شي قالي ب15 لاني اول لبسه.. فساتينها حلوه وحتى فيها افكار حق الطرحه الطرحه ماتيج عاديه شي حلو الصراحه..
وفساتين السهرات عندها حلوه بعد بس اجاراتها 3 وفوق الا واحد كان ب2000
بس حلو والله ….لكن الاذواق تختلف…
هذا من تجربتي..
ونتريا الباقي..
يوزاج الله خير ع الموضوع
اختي فصلت عند مصمم اسمه مايكل ف دبي
المصمم هذا تتعامل معاه ريم اللي ف الشارجه اللي قالت عنها اختي ام الدويس
طبعا اختي ما بغت تاخذ فستان ملبوس فخذته على ذوقها والديزاين اللي هي تباه وطبعا ريم كانت معاها …لبسته لبسه اولى وعقب ثاني يوم طرشناه حق ريم
طبعا السعر كان انه اختي دفعت 15 الف والباقي ريم هي اللي دفعته
في اشياء وايد زينه يوم تتعاملين معاها واهم شي انه العروس اتكون مشغوله بدوااايد اشياء … فمابتقدر كل يوم اتروح عند المصمم وتيلس ع راسه … اختي باتفاقها مع ريم رتاحت من هالشي ..بس كانت اتسير المصمم حق البروفات وبس وصلها الفستان جاهز لين القاعه يوم العرس