فزعتكم يا خبيرات النمسا و قارمش في الامارات

شحالكم بنات ، أبا خبرتكم

ان شاء الله بسافر الى النمسا و قارمش تاريخ 29 /6 لين 8/7

مع زوجي و بناتي ( اعمارهم سنتين و البيبي 5 شهور)
بس بعدنا ما سوينا فيزا الشنغن بسويها جريييب

شو رايكم في الأماكن الحلوه الي اقدر اسيرها و شو نصايحكم

– السكن بسكن في منطقتين الي هي كابرون 7 ليالي و قارمش 2 ليلتين

و من كابرون بتنقل في زلامسي و سالزبروغ
اذا في اماكن غير اقدر اسيرها قولولي ( ليوم واحد)

مشكووورات مقدما

حرام عليكم 60 مشاهده و لا رد

اول شي رحله سعيدة
حبيبتي انا مارحت قارمش لان خبروني زلامسي وقارمش نفس شي تقريبا ف حبيت زلامسي احلى
وبخصوص سالسبورغ حلوة انا رحت صبح ورجعت مسا من زلامسي فالقطار مدة رحله ساعه ونص وهي حلوة
عندج غي سالسبورغ دام يوم روحي المدينه القديمة old town
وفي عندج القلعه كبيرة وحلوة وعندج نهر السالزاك تمشي فيهاا

السكن انا اقعد ف زلامسي شقق اسمها apartment zell city
كل شي قريب والبحيرة دقايق

واي استفسار حاضرة انا بكون هناك ميونخ وفيينا من 24 شهر هذا لحد 7-7

ماحبيت قارمش وايد
انصحج بقمة الكابرون الثلجيه احلى

انا السنة الماضيه رحت غارمش ورحت كابرون ورحت سالزبورغ
وكل وحده لها ميزه وحلوه
بس انصحج اذا السكن بعدج ما حجزتي
2 سالزبورغ
4 ليالي كابرون
2 ميونخ ومنها الى غارمش او اذا وايد حابه الطبيعه غارمش وايد حلوه ومريحه

وايد اماكن ممكن تروحين لها

بادجاستين من كابرون تروحينها

فيرلاتين العيال وايد بيستانسون منتزه رهيب يلعبون فيه وحلووووووو من كابرون تروحينها

بحيرة الملك من سالزبورغ ممكن تروحينها اقرب

بحيرة موندسي
قرية هالشتات
شلالات كريميل
زيلامسي

ووايد اماكن

مشكورات حبايبي ع الرد – اسمحولي الخميس مخلصه امتحاناتي

( بس حبيت اسأل الي تقدر تسويلي جدول لمدة عشر أيام – التواريخ تغيرت لانه الفيز تأخر موعدهن )

التواريخ اليديدة عقب العيد ان شاء الله من تاريخ ١٧/ ٨ لين ٢٦/٨
وإذا بالإمكان تسويلي رحله خارج النمسا يعني إيطاليا يوم و سويسرا يوم ( تكون بالسيارة أو بالقيطار)
و شو افضل الأماكن الي اقدر أسيرها و هل ركوب بالتلفريك للقمه أمر خطر ع بناتي لأني بشل القاري ويايه

آخر استفسار من وين أخذ بطاقة زلامسي و سالزبورغ ع شان دخول الأماكن الترفيهية بخصم أو مجانا
و مشكورات مقدما