فرق العمر بين المعرس وعروسته ؟؟ لجمالك

السلام عليكم بنووتات وحريمات لوول

بغيت كل وحده معرسه او مالجه او مخطوبة تكتب كم فرق العمر بينها وبين ريلها ؟؟

امممم يعني بغيت اسوي احصائية عن هالموضوع …

وبغيت اعرف شو الاحسن انه الوحده تاخذ واحد فرق العمر بينهم وايد ولا شوي ؟؟

واذا كان من عمرها او اصغر بشوي؟؟ شو رايكم فالموضوع ؟؟

طبعا كلنا انعرف انه كل شي قسمة ونصيب .. لكن حبيت اشوف آراءكم بخصوص هالموضوع وشو اتفضلونه ؟؟

والملقوفات شراتي عادي جان تبون اتقولون رايكم ف الموضوع لووول ^^

ولا تنسوني من دعواتكم ^^ بالزوج الصالح ان شاء الله ^^

انا ريلي اكبر عني 6 شهور
والله يرزقج بالزوج الصالح وجميع بنات المسلمين امين

وانااا خطيبي اكبر عني بـــ 7 سنين ^^
قولو ماشاء الله …والحمدلله مرتاحه

والله يوفق ويرزق الجميع

انا مالجه وريلي قدي .,واحس انه اوووك.,مناسبين لبعض الحمدلله ,,

انا ريلي اكبر عني بسنتيين والحمدلله متفقين

انا ريلي اكبر مني ب 7 سنين
والحمد لله متفقين في اغلب الامور

انا ريلي اكبر عني اب 11 سنه والحمدلله مرتاحين اللهم لا حسد