[CENTER]^^أنا كنت أعااني وايد من سواد ركبتي بشكل مب طبيعي ^^يعني كانت عقدتي ركبتي السوده ^^من أيام المدرسة وانا أعااني من السواد مع اني بيضه ^^بس ركبتي الوحيدة الي كان لونها فظيع وأي وحدة من خوووواتي أو ربيعاااتي يشوفون ركبتي ينصدمووون يقولون لي(ليش جي ركبتج سووده حشا شو تسوين لا يكون تمشي ع ركبج )عااد انا هني واايد الضايجة واقول لو عندكم حل يشل هذا السواد الفظيع خبرووني ^^وعااد أنا ما خليت شي ما جربته كريمات غااالية جربت رخيصة جربت خلطات مسكااات كل شي والله وفوق كل هذا يزيد السواد يوم عن يوم %%
-عقب يت لحظة الحقيقة (ملجت وكنت فرحاانه شرات اي بيت تملجت بس كان تفكري الوحيدة ريلي يوم بيشوف ركبتي شو بيقول أكيد بينصدم من خااطري لاني انا بيضه وكل جسمي ابيض غير ركبتي الوحيده شاااذه )وعقب ما ملجت سرت اسير عيادات واسوي جلساات وادفع بزاات بالهبل تميت 4 شهور وانا بس يايه من جلسة وراايحه ع جلسة وبالاخير ماافي نتيجة ركبتي مثل مااهي فحمه [/CENTE
وتميت أسوي كل اسبوع حمام مغربي وأركز أكثر شي ع ركبتي السووده
وماتغير شي مع الحمام المغربي مافي نتيجة مرضية
وأختي تقولي بس خلاص ذبحتينه بركبتج خلاص يا أبوي حطيلها كريم اساس وبودرة واخفي السواد مؤقتااا وسويت مثل ماقلتلي ومرت ليلة العرس الحمدالله بسلام ومرت الشهور^^^
عقب هو رد عليه قااالي(بس ركبتي ابيض عن ركبتج صح)
أنا أهني انصدمت قوى وربط لساني وماعرفت أرد وقمت من مكااني وهو تم يضحك ويقول تعاالي أتمصخر ويااج لا تزعلني^^^
المهم عقب فترة سرت أسوي حمام مغربي شرات كل مره والحرمه الي كانت دوم تسويلي حمام مغربي سافرت ويت مكانها وحده ثانية مغربية
وهي تسوي حمام مغربي شافت ركبتي وقلتي ليه كده ركبتج انتي ما بتعتني فيهاا **قلتلها بالعكس انا واايد اعتني فيها بس مافي شي نفع معهااا
-وقالتلي خلاص انا راح اعملك خلطة خاص لركبك علشان تفتح شويه كل ماتين تسوين الحمام المغربي وقالتلي هذه الخلطة سويها بعد فالبيت كل يومين علشان انا تشوفين نتيجة زينهوانا اقول في خااطري (الحين هااي الخلطة هي الي بتفتح ركبتي )
وتميت تقربيا اربع اسابيع اسوي الخلطة في البيت وبعد يوم اسير اسوي حماام مغربي تسويها لي الحرمه
في اول اسبوع جربت فيها الخلطة ماشفت تغير ولا شي ركبتي مثل مااهي ***عااد هني الفرحه الكبير في تااني اسبوع شفت فرق بسيط بلون وملمس ركبتي بس قلت اكيد مال يوم يومين عقب بترجع مثل ماكانت قبل
والله ندمت ع كريمات الي كنت اشتريهم ب1000و2017واخرشي فرتهم بالزبااله
وصرت اخبر خوااتي وربيعااتي عن تجربتي مع الخلطة الي سمتها الخلطة السحرية
الحين بحطلكم الخلطة سهلة ومايبلهااا وايد اشياء بس المهم ستسمرووون عليهااا
-معلقتين عشبة الداد (لازم تكون الاصلي )
-معلقتين صغار حنا مغربية
-نص ليمونه
-ربع معلقة عكر فارسي
-معلقتين كبار حمام مغربي
-معلقتين صغار زيت اركان المغربي
بس حبيت اسألج وين بحصل زيت الأركان ..وهل يمكن اني استخدم حنا عادية بدال المغربية ؟؟
تدرين لو ما كنتي حاطة الصور .. جان صدق ما بجربها..
فديتج والله.. يعطيج الف عافية,,
بشوف ان شاء الله بروووح محل الاعشااب وباخذ كل الاغراض من عنده 
انتي تحطينها قبل الحمام المغربي ولا بعد..
او انج تقصدين تقشرين المنطقة .. وعقب تحطين الخلطة وعقب الحمام المغربي..
وكم المده اللي احط هالخلطة..