فديتني نونو والرجيم للحم الصحي

الله يطولي بعماركن اليوم حبيت اكسر حاجز الصمت واكلمكم عن يومياتي

طبعا قبل هاذا كله حبيت اقلكم هالله هالله بالعزيمه والإصرار

اول شي قلت خل اطبع كلندر 2024 بداية من شهر ثنين لاني اصلن باديه من اجازت الاسبوعين تراني ادرس فالسكول بس حبيت اني اطبع الكلندر وابدا من شهر اثنين تسجيل ع الكلندر يومياتي مابتظمن صور وايد لاني بحكم دخولي للقسم العلمي وثاني ف مابروم ادش وايد تعرفون يبالي ادس ف ماراح اتفييق للنت وايد بس حبيت افيدكم واحط شي يديد

طبعا نظامي ان شاء الله نظام من عندي مافي لا دكتور ولا خربطان بس نظام زين وحلو وماله اي ظرر لانه يتظمن حليب يتظمن كالسيوم يتظمن حديد يتظمن كللل مايحتاجه الجسم بحكم خبرتي زتطبيقي للرجيمات

طبعا بدايتي كانت 121 ك ج ما شالله وعقبال ما اظعف واستوي عصقوووله للعلم بناتات انا طولي 176 يعني طويلوووونه ما شالله هههههههههه الطول هيبه ع قولتهم المهم

الي حابه تبدا وياي خل تبدا

طبعا بنسوي هدف الي هو تخيل المستقبل كل ماتخيلتي انج ظعيفه كل ما عقلج الباطني عطا ذبذبات للجسم وتفاعل وياج وكل ما ظنتي بنفسج ظن حلو انج خلاص راح تظعفين وبترومين تظعفين كل ماكانت النتيجه حلوه المهم حبيباتي

بنيب كلندر الي هو التقويم المهم وبنبدا نسجل عليه من شهر 2 بحيث انه عندنا 2 و 3 و 4 و 5 عندنا اربع شهور لو حطينا فكل شهر 10 كيلو وااايد زين طبعا انا اتكلم عن البنات الي بعمري 16 17 18 فهالحدود ممكن انهن ينقصون 10 كيلو واكثر بشهر عادي ومايظر بعد المهم بنسوي رجيم يكون رجيم يحتوي على كل احتياجاتنا من كالسيوم وحديد وما الخ….

طبعا رح نبدا من 1-2-2017 عسبت اخر خمسه نكون وصلنا للوزن المثالي اوكيك حبوبات

الاكل كلي كل شي بس ذوقي يعني السلطه مالتج مايكون فيها لا طماط ولا جزر بسبب نسبت الاملاح الي فيهن ثاني شي بين الوجبات كلي خيار البنات الي يسيرون المدرسه شراتي شلو وياكم تفاحه وبرتقاله انا دوم اودي ويايه وبحكم انكم تقولون مابنروم نشرب ماي انا كل يوم اودي وياي ثلاث غراشي ماي العين صغار بحيث اني اشرب غرشه كامله وانا فالدوام والي هي مقسمه على ثلاث غراشي ماي العين ويوم ارد اشرب غرشه كامله

بحكم اني ثانوي ف ارد 3 ونص وتقريبا اربع عسب الباص اتغدى وارقد الساعه ست اوعى على طول العب رياضه والي هي ساااااااااعه بنات اقل من ساعه ماينفع

المهم

رجيمنا يعتمد ع بذرت الكتان لانها وايد زينه وطعمها حيييييييييييييييييييييلو واااايد الصراحه انا تعيبني وايد بعد المهم

ابا فطوركم يعتمد على الخبز يعني تاخذين خبز ع قد اصابعج مب حتى ع قد الكف وتاكلين تفاحه او ثنتين ويا برتقال طبعا

الغدا يا اما ستيك يا اما صدر الدجاج يا اما سمك مشوي طبعا سمك مب تسمعين سمك يعني خلاص بتاكلين السمج كله لاء تاكلين بمنسوب محدد نحن مانبا نشبع

والعشا يا اما تاكلين لج علبت روب قليلت الدسم وتحطين وياها ملعقة بذر الكتان وتخلطينها
او تاكلين خظار مسلوقه او خظار نيه كل واحد بس انا افضل النيه عسب تشبعج وفيها فايده اكثر

بنات ملاحظة بذرة الكتان لازم تنظفينها من الحجر الي يكون فيها بعدين تاكلينها اوكي حبوبات

بس هالرجيم بتنقصين عليه 10 كيلو فالشهر بس تمشين عليه بالحررررررررف اليوم المفتوح برايج عاد كلي الي تبين بس ليكون شعارنا يوم مفتوح صحي يعني مثلا اسبوع سوي يوم مفتوح صحي واسبوع لاء اوكيك