فترة الملجة لتربية طفلك

انا مالجة من فترة بس ابووي يرفض انه نيلس في مكان مصكر يعني لو يلسنا في مكان لازم الستارة تكون مبطلة ولا ساعات حد ييلس معانا..وانا احس هالشي غلط لانه نحن في رضا الله ..واهالينا بس يفكرون في الناس وكلامهم وما يدرون انه يدام الله نحن في الحلال.

شو الحل ؟؟تعبت ريلي يضايق من الحركات وابووي ما يحب الحركات والخلوة

تحملو

الغاليه .. صح انه هوه ريلج ف الحلال بس

خوف الاهل عليج ترااا .. يعني مم ماعرف كيف اقولج ياها .. يعني من باب الخوف

اوكي لو حد بيلس وياكم هب مشكله بس بعيد ع الاقل تقدرين ترمسين وياه وجي ..

ماعرف ان شاءالله البنات يفيدنج

حبيبتي انا اشوفه شي عادي

انتي احسن من غيرج

اهلج ع الاقل يخلوكم تقعدون مع بعض وتسولفون مع بعض والله اعرف ناس ما يصير يشوفونهم لين بعد العرس

عادي مافيها شي لو قعد حد وياكم

انتي لا تتضايقين من اهلج لو ما يحبونج ما بيخافون عليج

ربي يوفقج

حبيبتي عادي انه يقعد وياج وأو يخلي الستارة مبطلة ، لأنه ما تعرفين شو بيستوي صح انتي حلاله ، بس يا حبيبتي والله ابوج الله يطول فعمره ما سوا هالشي الا لأنه يخاف عليج وياخذ حيطته ويبا يحافظ عليج دامج عنده ما ظهرتي بيت ويلج وهو ما خاف عليج الا من البلاوي اللي استوت والمشاكل ويا ما شباب شبعن من البنات وعقب فروهن عقب ما صار اللي صار فهمتي قصدي ، صدق حبيبتي هذا الواقع واللي صاير يمكن انتي بعدج صغيرة لكن الوالد أفهم عنج حبيبتي ولاتضايجين بعمرج أنا أخوي وحميي يوم كانو يزورون حريمهم كانو أبوة العرايس يقعدون ويياهم ومايفارجونهم كله هذا خوف ع بناتهم ترا هذا عرض حبيبتي

لا حول ولا قوة إلا بالله

غاليتي

أبوج يحبج ويبغى لج الخير

وصح انتي حلاله بس بعده أختي رسميا بتكونين حلاله بعد الزواج

وانتم الحين في فترة تعارف لا تتسرعين ..

بييكم وقت وبتسكرون عليكم البيت بكبره لا تستعجلين الأمور

ها فترة تعارف خليها بريئـة وثقلي واسمعي كلام الوالد

مب كل الملجات أختي تنتهي بزواج فثقلي

طبعا ما أتفايل عليج بس الي أبغى أوصله لج

ان أهلج ما أغضبو الله في شي

وانتي حلال ريلج رسميا بعد العرس ^^

و ربي يوفقج أختي

في حديث سهل بن سعد مرفوعاً إلى النبي صلى الله عليه وسلم:

ثنتان ما تردان :

( الدعاء عند النداء وتحت المطر )

رواه أبو داود وصححه الألباني في صحيح الجامع (3078 ).

حبيبتي لاتاخذين بخاطرج وباجر بيتذكر ريلج الايام الحلوه

وعقب العرس ياخذ راحته لاحد وياكم ولاشي
حاليل اهلج خايفين عليج وماتدرين الشيطان

وياما ناس ندمو وخلج كبيره بعين ريلج واهلج موفقه