ـ في اي مدرسة مدخلة عيالج في دبي؟ التدريس الاماراتي

في اي مدرسة عيالج؟

انا مدخلة عياللي المواكب
ـ احسها نظيفة و المدرسات بشوشات
بس متضايقة لانه الدين في الكي جي ربع ساعة مرة في الاسبوع

المدرسة فيها ميكس من كل الجنسيات تقريبا بس استانست يوم شفت انه فيها مواطنين لانه اكيد بعد الدراسة الام تبغي عيالها يكونون صداقات

بنتي بمدرسة الخليج الوطنية

موفقه اختي
سبحان الله وبحمده

انا ولدي بمدرسة الارقم الخاصة
من ناحية الدين ماعليها كلام ولدي طلع من الكي جي 1 وهو حافظ معظم السور الصغيرة اللي بجزء عمة والعربي بعد الحمدالله زين
لكن عن الانجليزي خرااااااااااب انا بروحي ادرسة فالبيت لان المعلمات الحمدالله والشكر وحده هندية والثانية باكستانية بس ابد ولدي من الانجليزي ابد ما استفاد

واحد فالنخبة النموذجيه ( بنقله السنه اليايه ويا خوانه إن شاء الله حاليا صف 3)والاولاد الباقين فالمدرسة الاسلاميه للتربيه والتعليم / ثاني /خامس / سادس والحمدلله المدرسة ماعليها كلام والواجبات تنحل فالمدرسه بس الي مالحقو على حله يطرش البيت +الدوام من 8 لين 4 يتناولون وجبة الفطور والغدا فالمدرسه / وعلى فكره لاتقول كل ام المدرسه لازم يعلمون عيالنا كل شي بالعكس لازم الوحده إتابع عيالها وتراجع وياهم بشكل يومي / هيه وبقول انه عندهم نظام المعلم الشامل يعني المعلم يدرس المواد كلها إلا الانجليزي لها معلم متخصص / وبالطريقه الولد يتعلم بشكل سلس ومريح وهوه متعود عالمعلم والصراحه من اول اسبوع المعلمين متابعين للعيال ولو فيهه تقصير من الولد علطول يتصلون / ومركزين بشكل اساسي على الدين والتربيه الاسلاميه تعليم ومتهج حياتي جزاه الله خير السيد سعيد لوتاه على انشاء هالمدرسه ويارب عيالي يتوفقون فيها / بعد شي عيبني فيها يعطونهم حصص للذهب وصياغة الفضه وللإكترونيات شي حلو يشد الاولاد / والله العيال من وصلهم الجدول علطول يدورون هالحصص يحبون يغيرون شوي من الروتين + عندهم المحافظة على الصلوات الجماعيه وعندهم فترة المقيل يعني يرتاحون شوي من الدراسه والي يبا ياخذ قيلوله + الله يبارك فمؤسسين هالمدرسه والصراحه مديره المدرسة معلمتي الفاضله الي ما أنسى فترة تدريسها لي ابله فضه لوتاه كانت إدرسني تاريخ وهذا الي حببني فالمدرسه وحطيت عيالي فيها .

مدرسة الاتحاد الدوليه