غلطت على ريلي ومب عارفه كيف اتصرف؟؟

انتوا المعرسات اتعرفون اتراضون بعض*__* يعني ريلج وياج فالبيت مب انكم مالجين والا انه برع البلاد امسافر لا اترومين تاخذيله هدبه حلوة واتغلفينها وتكتبين رساله اعتذار وتعطينه ياها والا تعزمينه في مكان سويله مفاجاه حلوة اتصليبه يوم هو برع البيت وقوليله سامحني انا وايد متضايجه من الي استوى وندمانه اتاسفي حبيبتي عادي مافيها شي هذا ريلج بو عيالج سندج ومرجعج لا تتكبرين عليه ولا تسوين مشاكل الله يخليج حرام ريلج شكله وايد يحبج اقري المواضيع الثانيه الرياييل كيف يعاملون ويخوونون حريمهم بتعرفين قدر ريلج لسانج هالطويل حاولي اتيودينه اشوي *_* اقري مشكله العضوة روح غاليها الله يصبرها اقرري مشاكل البنات بتعرفين كيف اتديرين بالج على ريلج الله يسعدكم وتتراضون اليله انشاءالله

ادعو ان المياه ترد لمجاريها بس اكثر اسباب الزعل هو الوقوف عند كلمة — كرامتي — والتنازل — وانا بنت فلان–

ان شاء الله تردون لبعض بمشاعر وحب اكبر عن الاول — مرات تمر مشكله تخلي الزوجين يتمسكون ببعض اكثر عن الاول — بس ياليت المشاكل اللي تنولد من غير سبب تختفي من الحياة الزوجيه —

الرجل تفكيره يختلف عن تفكير الحرمه فينظر للحرمه اللي تحب تسبب المشاكل بنظره استخفاف والحرمه اللي تكبر عن ها السوالف وايد تكبر في عين ريلها —

ان شاء الله تكون اخر الخلافات بس اهم شي ما تكبر وتتوسع المشكله وتوصل للاهل — لان طلب ذكر الطلاق مب سهل عند الريال ولا عند الأهل — — الله يوفقج اختي — ويبعد عنج عيون الحساد —

اختي كل تصرفاتج غلط
كل شي سويتيه غلط

غيري نفسيتج و اخلاقج و حاولى تضبطين نفسج اكثر ,,,قبل لا تراضينه
لاتضيعينه بسبب امور تفاهة

والمشاكل اللي ذكرتيها تحصل في كل بيت
لكن تنحل بالتنازل من الطرفين مش طرف واحد

والريال تراه يمل اذا ماحصل الراحه في بيته !

انتبهي !!

الله يهديج … الكل يتمنى شرات ريلج لانه نادر وصدقها غرشوبه سوي له حركه تشريله هديه واعتذري ما فيها شي انا اعتذر من ريلي حتى لو انا غلطانه لازم الحياة تمشي والمفروض قلبج يكون كبير

الغاليه
الريال يحب الحرمه اللي تحبه على راسه
وتعتذر منه
وتقوليله كلمه احبك والشيطان دار من بينا
وتعبريله انج ندمتي اشد الندم

هييييييي ذكرتيني احسج نفس حالتي والله
بس كثري من الصلاه والاستغفار
من ناحيتي نفس ماقالت الاخت
وامسكي بايده وخلي الكبرياء عنج ماراح تنفعج ومره ثااااانيه اقبضي لسانج من كلمة طلقني تراها سهله فاللسان وصعبة فالقلب فكري فعيالج ولاتفتكرين فيه وااايد وعطيه حقه واكثر وحاولي تتجاهلين المكالمات واي شك اتعاوذي من الشيطان ريلج ولله الحمد احسه مهتدي ماعنده خرابيط دام عنده عيال وزوجه والله المستعان