غرفتي اليديده

مرحبا الغاليات

اختكم متوهقه انتقلت غرفه يديده بس مب شاطره في موضوع الديكورات وتتريا تساعدونها باي طريقه غرفتي فيها مدخل ومتوهقه شو اسوي فيه ابا افكاركن المبدعه او اي طريقه او موقع يساعدني

اتراياكن

إذا تبين من فخامه البني مع التركواز أو البنفسجي مع الاسود روووعه روحي محل ديكور ورق وإختاري هالالوان ومن ناحيه الاكسسوار روحي لايف ستايل ولى السوق الصيني وخذي ثريه بلون الغرفه إلي انتي اختارته تركواز أو بنفسجي ,,, والاثاث لا تاخذين وايد غامج حاولي تاخذين لون بني فاتح شوي مش وااايد …خخخخ أنصحج تروحين ذا ون لان رووووعه أثاثهم ,,, أو هوم سنتر …. مممم شو بعد هيه الكرسي خذي بلون إلي في الغرفه مثلا في إي زاويه تبين تحطين الكرسي لازم يكون عكس لون الحطيت وحطي زولي ريش وطاوله صغيره …. التلفزيون ع حطيت والارضيه خليها باركيه بني …. وأخر شي إن شاء الله أكون أفدتج ^ * وإي سؤال حاضرين

مشكوره الغاليه

انا وايد ياي في خاطري الارضيه تكون خشب

بالتوفيق يا رب

حبيبتي انا عن نفسي مسوية عرفتي ابيض واسود
اكيد مستغربة واهل كلهم عارضوني بس انا تميت على راي
بس بعد ما جهزت الغرفة الكل مدح ذوقي وناوية انزل الصور

خذيلج لفه في محلات الديكوراات شوفي الي يعيبج
وبعدين سيري محلات الصبغ اذا للحين ماصبغتي غرفتج واختاري اللون وعقب
ردي لمحلات الديكورات وبتحصليين الي يناسب