غرفة معرس مؤقته أرجو المساعدة… عروس الامارات

أرجووووووكم عطوني أفكار …عندنا غرفة أثاثها أبيض بسيط وسجادة بني فاتح ناوية أحط عليها ورق جدران وأغير الستارة وبحط في الوسط سجادة ..بس أفكر أعتمد الون الأبيض والأحمر وخطوط ذهبية في الورق والستارة .والسجادة بتكون أوف وايت مشجرة بورود أحمر فاتح ..وبعد أفكر أركب الورق على جدار واحد بس الي هو جدار السرير الرئيسي والباقي يكون صبغة على سكري وهذه غرفة بيقعد فيها أخوي المعرس فترة بسيطة لين يشطب بيته فأريد أراءكم ..أنا بعد بحط أبجورات و كوشنات بس المهم أعتمد شو الألوان الرئيسية .. بنبدا ان شاء الله عقب العيد التنفيذ ..لا ترودني ..

اختيارج للاحمر مع الذهبي حلو ..وممكن الاسود بدال الذهبي ..

اذا تبين الغرفه تكون الوانها هاديه , دخلي اللون الذهبي والفضي و يعني بيكون اللون الابيض هو اللون الرئيسي الطاغي على الغرفه ةبعض الاكسسوارات الخفيفه بتكون بالذهبي والفضي و اذا بغيتي خيار اوسع دخلي معاه الرمادي لانه وايد دارج وتركب عليه جميع الالوان و يعني مثلا سوفا صغيره رماديه عليها كوشنات ذهبيه وفضيه , ستاره بيضا ساده من الحرير الهندي وتحتها قطة دانتيل بيضا ( نفس اللي في لورا اشلي) وقبضات الستاره بالذهبي , براويز فضيه وذهبيه ..

[IMG][/IMG] دقي عالصوره للتكبير

اتمنى اني فدتج ……

أختي مثل ما خططتي .. الأحمر مع الذهبي بيطلع وااايد حلو ^^ اختي مسويه هاللونين في ميلسها … وطالع واايد راقي …
ومع شويه اكسسوارات "ذهبي وأحمر وابيض " بتطلع الغرفة ولا احلى …
عااد انتي وشطارتج في اختار الأشياء وترتيبها صح =)
بالتوفيق ….

افكار ثانيه

[IMG][/IMG]

[IMG][/IMG]

[IMG][/IMG]

جزاكم الله خير بنات وان شاء الله أتوفق بس مب مرتاحه أني أسوي الستارة سادة أبيض شو رايكم وبعد تذكرت أن الحجرة أصلا عليها ورق جدران من النوع الي ممكن ندهنه بأي لون مرة ثانية وأساسا هو مدهون أبيض فببدل بس الي ورا السرير والي مقابل بدهنه لون سكري سور رايكم وترا مافي مكان للصوفا لأن الغرفة فيها تلفاز بعد

الستاره لا تخليها بيضا ..خليها مشجره باحمر وذهبي مثلا ..لان الجدار اللي بتكون عليه ابيض ..وبدال الصوف حطي كرسيين شرات الفنادق وبينهم طاوله صغيره