شخباركن بنات ؟؟
اليوم سويت بسكوت عين الجمل طبعا َ باستخدام ماكينة عين الجمل
المقادير
عين الجمل"
2 ك طحين ابيض
1.5 ك نشااء الذره
اشوية فانيلاا
1 ك زبده
2 م .ش. بيكنغ باودر
3 بيض
1 ك سكر مطحون
مقادير
الحشوه "توفي "
اشوية زبده تقريبا ملعقتين
اشويه سكر تقريبا فنيال سكر
اشوية حليب مركز
علبة كامله قشطه
لعمل البسكوت اول شي خفقت البيض بالخلااطه تقريبا اربع دقايق ويا السكر وبعدين حطيت باقي المكونات الجافه وتميت اخلط بالملعقه الخشبيه عقب يوم تجانس الخليط حطيت الزبده وتميت اعجنه الين استوت عجينه ناعمه .. بعدين حطيتها فالثلاجه الين ما اجهز التوفي "" مب لازم تحطينها فالثلاجه إختياري ""
بعدين تشكلين العجينه ع شكل كور صغيره وتحطينها فالمكينه بعد ما سخنت وتقريبا يباله 3 دقايق عشان يستوي فالمكينه وآآخر شي حشيته بالتوفي ..
لعمل التوفي حطيت في قدر صغير الزبده ويا السكر ع نار متوسطه الين ما استوى لونه بني عقب حطيت الحليب المركز والقشطه وخلطت المزيج وهو عالنار الين ما تجانس وبعدين طفيت النار من تحته ..
ان شاء الطريقه تعجبكم وتجربونها لانها بصراحه رووووعه والكميه اللي انا سويتها اليوم وكانت اول مره ههههههه ما تم شي منهااا ….
وهذي صور الـطبخه
بس بغيت أعرف بكم اشتريت الجهاز؟….
ما شاء الله عليج
بس اختي انتي قايله خفقتي البيض اول شي بس ما ذكرتي في المقادير كم بيضه؟؟
ولا انا احوليت وماشفت خخخخخ
والماكينه بكم خذتيها اختي وكم حبه تسوين فيها؟؟ وكم ياخذ منج وقت!!
شهيتيني الصراحة
المشاركة الأصلية كتبت بواسطة همس الأمل 
بس بغيت أعرف بكم اشتريت الجهاز؟….
ثانكس حياتي
الجهاز شريته من البنت اللي ويانا بالمنتدى ونكها دار الزين وقيمته 290 درهم