دجاجه نقطعها 8 قطع ونفوحها لمدة حوالي نص ساعه بماي مع بهارات عدله( مسمار، دارسين، هيل حب، شوية بهارات مشكله ، فلفل اسود، كمون، كزبره مطحونه)
وعقب نطلعها ونشيلها على جنب
بجدر نحمس بصل شرايح بزيت ليما يتشوقر
وعقب نضيف له قطع الدجاج ونحمس ونضيف
نص ملعقة اكل بهارات مشكله ونص ملعقه فلفل اسود وشوية هيل ناعم وشوية كركم ونص علبة معجون طماط ومكعب ماجي واذا انج حابه تزيدين كمية المعجون براحتج يعطي نكهة ونحمس عدل
ونضيف قلاص ماي ونحرك شوي ونخلي الحمسه على نار هاديه ليما تتمازج بهالشكل
ونخلي جدرالحمسه على النار حوالي ربع ساعه
وعقب انقع عيش مدة ساعه بماي دافي ونفوحه بماي الدجاج الي فحناه من قبل ونخلي العيش يستوي ثلاث ارباع استواء
واذا شفنا الحمسه جهزت نجيب العيش الي فحناه ونبتدي نسوي طبقات العيش والحمسه
أول شي بقاع الجدر نحط شوية زيت نمسحه مسح,,, وبعدين طبقة عيش وبعدين طبقه من حمسة الدجاج و بعدين طبقة عيش ,,وطبقة عيش ..يعني طبقتين عيش وطبقتين حمسة الدجاج ليما نوصل لوجه العيش
صوره مقربه للخلطه بالجدر
وبعدين آخر شي ننثر على الوجه ماي ورد منقعين فيه زعفران ونحط جم قطعة زبده عشان تسيح عالوجه ونحط حشونا على
جنب بالجدر جذي
ونسكره بقصدير ونرفعه على الجوله لمدة 30 دقيقه او 40 حسب اشكثر انتي فايحه عيشج.
واهني استوا العيش ونزلت جدري ابي انجب
ونجي ننجب
ناخذ الحشو ونضيف عليه حوالي ملاس من عيش الزعفران الي على الوجه
هالشكل
وناخذ الجدر ونقلبه بصينيه عشان ننجب من العيش وخلطته على راحتنا بدون ما نحوس شغلناا
بس قبل لاتشوفون العيش بصورته النهائيه خل اوريكم طريقة الحشو السهله:
نقلي بطاط مكعبات بزيت غزير ونطلعه
نحمس بصل مقصصينه صغار بزيت واذا بدا يذبل نضيف الفلفل الاخضر الصغار ونحمس عدل
ونضيف البطاط المكعبات الي قليناه ونحط نص ملعقة اكل هيل مطحون ونص ملعقة فلفل اسود
وشوية كركم ولومي ناعم وملح
وراح يكون بهالشكل
وفي النهايه
منقوووووووووووووووول
بجرب الطريقه ان شاء الله
6212 اغاثة الصومال 20 درهم
6215 اغاثة الصومال 100 درهم
شغل مزبوت على قولة خياطي ههههه
عن أبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ
: « مَنْ جَلَسَ مَجْلِساً كَثُرَ فِيهِ لَغَطُهُ ،
فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ :
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ
أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ »
6604 إفطار صائم 10 دراهم
6605 كسوة العيد 20 درهم
6210 صدقة عامة 10 دراهم
6602 رعاية معاق 10 دراهم
اشكركم على المرور
نورتوا 