المقادير:
———-
ربيان على حسب الكميه منظف وجاهز ومغسول
بصل مقصص,
طماط مقصص صغار
ثوم مدقوق,
شوية زنجبيل مفروم
شدة كزبر مفرومه ناعم
شوية شبنت
بهار مشكل:شوية كمون,شوية كارى,شوية كزبر بودر شوية كركم البهارات اللى تحبيتها بس لاتكثرون.
زعفران منقع بشوية ماى حار وماى ورد .
وعندكم العيش مغسول ومنقع بماى حار وملح
الطريقة:
———-
تحمسين البصل بشوية زيت وتحطين عليه الربيان على نار قويه شوى. وبعدين الثوم والزنجبيل وبعدين الطماط والبهارات والخضره ليما تحسين اللون صار حلو والريحه خنينه تشيلينه من على النار وعندج هناك العيش تسوينه مشخول بالوقت اللى تحمسين فيه الربيان يكون استوا نص سوا تشخلينه وتاخذين شويه من العيش وتحطينه بمله تكون كبيره شوى والزعفران اللى منقع عندج تحطين فوقه قفشتين روب وتخلطينه وتحطينه على العيش اللى بالمله وتحركينه على الراحه ليما ياخذ اللون وبعدين تحطينه بقاعة الجدر التيفال مع شوية زيت او زبده او سمنه على راحتج وتحطين فوقه نص العيش المشخول بعدين طبقة الربيان وبعدين النص الباجى من العيش وتبين تحطين زبده او اى شى ثانى فوق كيفج
و علييج بالعافية
منقول
مشكوره الغلا
طبقتهاااا و طلعت لذيذة طبقوووووها