…..عيش باجار المانجو…. طبق اماراتي

…..عيش باجار المانجو….

هلاااا ومرحباااااا خواتيه ………
اليوم حبيت اقدم لكم شي من اخترعااتي المنزليه
وهي طبعا لمحبين الاجااااااار ممممممم وطبعا ما يحتاااي صور لأن طبختي سهله وااايد
بس طعمهااااااا لذيذ

نقول بسم الله الرحمن الرحيم

ونبتدي بالمقادير ل4 اشخاص

شيلة عيش مغسول ومشخول مع قرفه وهيل ومسمار + ملعقتين اجار مانجو + بصلتين مقطعه اجنحه رفيعه +
نص كوب بازيلا خضراء+ نص كوب زيت.+

الطريقه تحمرين البصل في الجدر نص تحميره وتحطين عليه البازيلا وتقلبينها شوي وتحطين عليها ملعقتين اجار مانجو وتقلبينها ثواني بس وبعدين تحطين ملاسين عيش من العيش المشخول على الخلطه وتقلبينها شوي لين يختلط العيش مع الاجار وبعدين تحطين باجي العيش المشخول وترشينه بنص كوب زيت وترزينه على الغاز لين يسكر ممممممممم يعني
5دقايق او لين تفوح ريحة الاجار..

وبعدين تنشبينه في الصحن شرات البرياني

وتقدم مع

7
7
7
7
سمج او دياي واو لحم
((مشوي او مقلي ))

وطبعا لا تنسون اهم شي السلطه والسمن العدااااني

وصحتين وعاافيه