عيد زواجنا رعاية الاطفال

السلام عليكم خواتي
باحتفل الشهر الجاي بعيد زواجي السابع وأريد أفكار حلوة لهذي المناسبة ساعدوني

زانا بعد ابا افكار عيد زواجما بعد 3 اسابييع

عقبال ماتحتفلون بعيد زواجكم الميه يارب

مممم
اذا تبينى تغيرين

احجزيله ليلة في فندق على ذوقج …. ورتبي ويا الفندق وقوليلهم انه عيد زواجج …. هم بيقومون بالواجب ….

او ….

نفس اليوم …. اعزميه على غدا برع … او عشا رومانسي …

والله يهنيكم يارب

موفقه

في وحدة في المنتدى كانت كاتبة انه حجزت حق و حق ريلها يسيرون يعتمرون و هالفكرة وايد حلوة بس المشكلة يمكن الميزانية ما اتساعد و لا ظروفج (يهال و لا دوام) ..
فأحلى شي اتسوينه .. اتقوليله انه انتي بتسيرين بيت اهلج يومين و ما تبين تسمعين منه و لا ترمسينه و اذا يبا شي بالمسجات. و في هاليومين .. انتي سيري غيري لون شعرج. و مب بس اللون .. حتى القصة. اقترح شي ما يكون مصطنع. يكون طبيعي. و القصة وايد اتصغر .. و درجيه من ورى (على حسب اللي يناسبج).
و احجزي في فندق .. يكون هادي. مثلا .. المها و لا باب الشمس. لا تختارين شي وسط المدينه.
لا تخسرين على قميص النوم .. اتعرفين لو عندج قميص النوم اللي لبستيه حق ليلة الدخله بيكون واااو .. لأنه بتذكرينه في هالليلة .. و اذا بعد 7 سنوات علاقتج وياه وايد كلووس .. فاقترح انج تلبسين روب شفاف من غير شي تحته و تلبسين شبكتج.
خذي وياج البوم عرسج .. استعيدوا الذكريات و اضحكوا على اشكال بعض .. (على لحيته و لا تسريحتك-اكيد في شي يضحك)..
و بالنسبة للهدية .. فكيكه على شكل قلب من الفندق. و وحدة من العضوات كانت منزله فكرة حفر البئر .. فليش ما تحفرين بئر اب اساميكم .. بئر x و y ..
و عقبال ال100سنة ان شاء الله