عيادة VLCC

انا اعرف انهم غالليين

انا اسير عندهم عشان القشره سرت و سويت جلستين او بس
واليوم اقكر اني ارد افلوسي و اوقف العلاج
لنهم زادولي القشره قبل كانت ماتبين
والحين احس راسي متروس حبوب

ما انصحج

السلام عليكم

أنا من زمان كنت مشتركة في مركز VLCC وبشرحلج عنهم بالتفصيل :
– أول مره تروحيلهم يكون إستشاره مجانيه يقيسون وزنج و طولج و BMI وبعدين تيلسين ويا حد من الموظفات بتشرحلج كم المفروض يكون وزنج و شو الأنظمه اللي تصلحلج وبتخيرج بين مجموعة جلسات و وبتسويلج Package بالجلسات التي تحتاجينها وبتعطيج السعر المطلوب…طبعا انتي مخيره بين أنج توافقين و تدفعين المبلغ أو إذا مب عايبنج تقوليلهم بفكر وبرد عليكم خبر و من تظهرين من الباب ما يشوفون ويهج (يعني تطنشينهم)

– في حالة أنج وافقتي ودفعتي بتقابلين أخصائية التغذيه وبتشرحلج شو بتسوين و بتعطيج نظام غذائي وبتعطيج موعد لأول جلسه وبياخذون مقاساتج
و نظامهم عباره عن شيئين الشي الأول إتباع نظام غذائي تعطيج ياه اخصائية التغذيه في المركز والشي الثاني الجلسات.

– الجلسات أنواعها وايده عندهم منها جلسات أجهزه ومنها جلسات مساج تنحيف وشد جسم
أنا مثلا في أول مره أشتركت معاهم خذت 15 جلسه عباره من 5 تنحيف 5 شد جسم و5 مساج كلفوني 3750 درهم تقريبا بس حسيت بتغيير في جسمي و خفيت عليهم 5 كيلو تقريبا لأني ماكنت مطبقه الريجيم عدل و ما كنت أسوي رياضه مع أنه عندهم صاله أجهزه رياضه صغيره و يسوولج ايروبيك اذا تطلبين من دون سعر إضافي.

بعد ما خلصت ها الجلسات وطافت 4 أشهر خبصت فيهن زين مازين و متنت كل اللي خسرته سجلت عندهم مره ثانيه جلسات مساج تنحيف بس لانه احس جسمي يستجيب لهاذي الجلسات اكثر وسعرها تقريبا كان بـ3000 درهم والحين ضعفت كيلوين بعد جلستين لاني منظبطه و أمشي أحيانا وباقيلي ثمان جلسات إنشالله أضعف فيهم…