عيادة أسنان في كلبا والفجيرة ضرووووري !! طبخ الامارات

السلام عليكم ورحمة الله وبركاته,,

بنات صار عندي تقرح في اللثة ولثتي ألحين فيها نقط بيضا أو صفرا مدري شو اللون وحوالين هالبقع في احمرار .. يحرقني كلما أكلت شي فيه حموضة شرات السلطة أو العصاير إللي فيها حمض الستريك .. المشكلة بدت لما أكلت حبة حلاوة حاااامضة بالمرة .. وفي اليوم الثاني تورمت لثتي واستوا فيها حبوب شفافية وحطيت الجل إللي أستخدمه دايماً للإلتهاب وخف التورم والحبوب ماتت بس تم لي مثل ما كتبت فوق بقع وحواليها احمرار ..

ألحين أبغي أعرف أحسن عيادة للأسنان لعلاج لثتي .. دايماً أروح العيادة إللي في دبي .. بس ألحين رمضان والوقت أبد ما ينفع .. فبليييييييييييييييز .. خبروني شو أحسن عيادة للأسنان واللثة في الفجيرة أو كلبا ؟؟؟

TT^TT

انا والله ما اعرف اللي في كلبا بس في الفجيرة في كتيييييير شاطرين مثل عيادة الرقة بشارع مريشيد وفي دكتور كمان في مرشيد كتير شاطر بس والله ناسيه اسمه
سلامتك اختي وما تشوفي شر

ما تشوفين شر الغلا

الغاليه ليش ما تجربين تروحين العيادات اللي في خور فكان.. اللي عند السفير..

بصراحه انا دوم اسير عنهم واايد روعه .. وان شاء لله يلاقون لح لمشكلتج..

اتوقع اسم العياده الساحل الشرقي شي جيه << مب متذكره الاسم زين والله

بس اهوقريب السفير..

والله مادري