انا متزوجه صار لي اكثر من عشر سنوات ربي ما راد لي الحمل زوجي يحبني وانا احبه المشكله الله ما كتب لنا بالذريه
عالجت وبحثت عن علاج وسافرت يصيير حمل بس يصير اجهاض ولا اعرف سببه وكل ما احمل تاتيني الاحلام المزعجه لحد ما يصير اسقاط
المشكله زوجي كله مره اسمع من الناس يقول بيتزوج عليه مره صارحني يريد يتزوج ورفضت ويوم حملت وجهضت قلت له اذا تريد تتزوج تزوج انا ما اجبرك تعيش معي كل واحد يروح في حاله والله يهنيك لاني ما اقدر اشوفك مع غيري لا اتحمل ولكنه رفض وقالي الاعيال من عند الله وهذا نصيبنا وانه راضي بيه وعطيته مهله يفكر ولا يسرع فاختارني واخر مره صارح اختي انه يريد يتزوج بحجه يبي عيال اختي اخبرتني وهو قال لها لا تخبرني بس هي اخبرتني علشان ما انصدم لو سواها تضيجت وايد من موقفه هذا ليش يصارح اختي وانا بيني وبينه صراحه ولم اجبره يعيش معي كل انسان له قدرت تحمل اذا هو لا يتحمل يعيش بدون اطفال انا لا اتحمل زوجه ثانيه من كثر ما اسمع عن الزوجه الثانيه والمشاكل تعبت وتعب قلبي من الفكر يعني انا الحين في همين هم انتظر الله يفرجها عليه وعلي كل مسلمه ان شاء الله والهم الثاني زوجه اللي يفكر يتزوج عليه ويجرحني زين هو ليش ما يصارحني يعني يوم يخبي ويوصلني الكلام ما بنجرح هي هي تزوج وانا ادري او ما ادري نفس الجرح بس اهون ادري من الطعنه وراء الظهر
ادري الكل بيقول من حقه وبذات اللي عندها عيال بس صعبه عليه مثل ما صعبه علي اي وحده هذه مشاعر تحملها كل امراءة علي وجه الارض
كيف احل مشكلتي اطلب الطلاق واصمم عليه او اتركه يتزوج وانا اتعذب واعاني ويمكن يعدل ويمكن لا وين الحل انا في دوامه لا يعلم بيها غير الله
بس انا متاكده لو الحتي في الدعاء وايقنتي ان الله سبحانه بيحققلج الي تتمنينه بتحملين وبتشوف ضناج
ماشي احسن من الدعاء بس طبعا لااااااااااااااااازم يكون عندج يقين بالاجابه
والله يوفقج ويسهل عليج يارب وتحملين باقرب وقت باذن واحد احد