وبعد ملفوف الأبيض والبنفسجي ساعدوني قبل ما يخترب وأعقه فالزباله حرام..
ويزاها الله خير الي بتساعدني..
ممكن تستخدمينه في العيش الصيني <<بتحصلين الطريقه في القسم
نحن جذا نسوي ونحط له دياي مفور ومقطع قطع صغار والفلفل بعد نقطعه صغار
والملفوف ممكن تسوين به سلطة روب او اي سلطة ثانيه
والملفوف الابيض تسوين به اكله ناشفه تنأكل مع الخبز
اسلقي المعكرونه والبطاطس وبعدين اشخليه وضيفي الفلفل البارد والروب (افضل المراعي) والمايونيز والملح حسب الرغبه وبالعافيه
فلفل حلو وطماط وخيار والملفوف النوعين وكزبره وخس وملح وليمون وملعقه صغيره خل ابيض
وتقطعينهم صغار وتخلطينهم مع بعض وتملحينهم وتحطين الليمون والخل وشوية سمااق تطلع روووعه
وهذي طريقه ثانيه ونسميها عندنا في السعوديه المقلقل ..
فلفل حلو وبصل وطماط وبهارات مشكله وملح وزيت ولحم وصلصة طماط وحبة ليمون اسود صغيره كلها ها الاشياء
على راحتك انتي وعلى حسب كم العدد الموجود بالبيت..
اول شيء تقطعينهم كلهم صغار حتى اللحم وتحطين اول شيء البصل مع الزيت وتحركينهم لغاية ما يذبل البصل شوي
وبعدين تحطين اللحم وتقلقلينه مع البصل لمدة ربع الى نص ساعه مع بعض بعدين حطي الطماط والفلفل والليمون
والبهارات وصلصة الطماط مع بعض واتركيهم بعد نص ساعه واضيفي الماء بنسبه قليله يعني لا تكثرين ماء عليه
وخفضي النار عليهم واتركيهم لغاية ما يستوي اللحم وتشوفينه تسبك وثقل الخليط شوي.. واكليه بالعافيه مع خبز
او رز ابيض..
والملفوف الابيض ممكن تسوينه محشي مثل ورق العنب..
وربي يوفقك يالغلا
وان شاء الله اكون افدتك يا قلبي
تقبلي مروري