عندي اسئله وااااااايد عن النفاس (الله يعين اللي بتدخل وبتجاوبني) للصحة

مرحبا خواتي اشحالكم عساكم ابخير

خواتي انا ربيت من اسبوع

وصراحة عندي وااااااااااااااايد اسئله (الله يعينكم خخخخخخخخ) عن مابعد الولاده لاني ماتوقعت جيه يعني!!! ع بالي اعرف كل شي بس طلعت ولا اعرف اي شي بالمرررررررره اهئ اهئ اهئ

اول شي انا قبل لا اربي سرت الصيدلية وخذت شوية ادوية حق بعد الربا
ومن ظمنهم معقم بيتادين اللي لونة اخضر قالت لي اللي فالصيدليه استخدمه حق الخياطه
بس لما ربيت قالت لي الدكتورة لا تستخدمين اي شي بس اغسلي بماي ونشفي المنطقة عدل!!
المهم انا لين الحين ماستخدمته خايفه!!! وغير جيه اصلا ماعرف كيف استخدمه
يعني هل استخدمه كـ غسول عادي؟
ولا اخففه بماي؟
ولا احطه فالبانيو مع ماي طبعا وايلس فالبانيو؟ <<<<<<<< ماظن!!!!!

المهم حبايبي اللي استخدمته تفيدني بليز هل فادها ولا عادي يعني ماتفرق؟

والسؤال الثاني عن الخياطه بعد
مثل ماقلت انا الحين كملت اسبوع من ربيت بس الخياطه شوي بعدها تعورني وتضايق وايد
يعني لي متى بتستمر جيه؟ وهل هالشي طبيعي ولا؟؟ تعب صراحه ماعرف ايلس عدل تعبت مب متعوده اتم منسدحه ابا اتحرك ابا اقوم ابا ايلس ويا الخلق!!!!!!!! اهئ اهئ اهئ

السؤال الثالث <<<<<< ورقة امتحان خخخخخخخخخ
بالنسبة للرضاعه
استوت لي تشققات فضييييعه فالحلمة بصراحه معانااااااااااااااااه تعبت نفسيا والله اليوم ارضع ولدي واصيح!!!!!
ابا استخدم كريم مال التشققات بس امي ماخلتني تقول اذا نسيت وييت ارضع ولدي وماغسلته!!!!!!!!! وقالت اونه اصبر بروحه بيخف عقب اسبوعين او ثلاثه!!!!! بموت والله بصيييييييح يعور وايد

طيب كيف اخفف من هالتشققات ؟
خاصه انه ينزل منها دم!! يعني اخاف ولدي يوم يرضع بدال لا يرضع حليب يقوم يرضع حليب ودم!!!!!!!!!!!! (تفكير غبي بس صج والله شسوي؟!!!!!!! )

غير جيه عندي حلمة الصدر (اليسار ) بعدها صغيره و ولدي ماقدر يرضع عدل من اليسار يعني شويه وتطلع الحلمة من فمه تعبت والله واذا يرضع من اليمين يرضع اوووكييي حتى اليسار قام وايد يعورني وماعرف شو اسوي عسب الحلمة شوي تكبر (عاد مع التشققات ماروم المس الحلمه حاولت بس ماقدرت)

انزين السؤال الرابع ويتكون من فرعين <<<<< (صار امتحان من صدق خخخخخخ)
صار لي يومين الدم اللي ينزل لونه وااااااايد غامج مايل عالبني!!!!!!!!! وصراحه خايفه!!
يعني كمية الدم قليله وايد بس المشكلة في لونها!!!! مدري عادي ولا !!!

ووووو ادري بتقولون عني غبيه بس مايالسه اشرب او اكل اي شي (اقصد غير عن الاكل العادي) يعني بس اول ما انش من الرقاد اخذ ملعقة عسل طبيعي وبين كل فترة وفترة ملعقه ثانيه بعد وصرت اكل تمر وايد بسسسسسس لكن الاشيا الثانيه اللي البنات يقولون عليها ما اسويها وماعرف شو اسوي

فكرت اسوي القهوة اللي من نوى التمر بس مدري من وين تييبون النوى؟! يعني مستحيل ايلس ايمع النوى من التمر اللي ناكله خخخخخخخخخخخخخخخ

السؤال الخامس
هل عادي النفاس تطلع من البيت؟!!!!
لاني سمعت اكثر عن مرة ان النفاس مب زين تتعرض للهوا؟!! ليش طيب شو السبب وشو بيستوي لو طلعت؟!!!!!!
ماروم ايلس فالبيت 40 يوم؟!!!!!!!! ريلي من الحين يقولي قومي بحوطج وانا فيني دوده الصراحه ههههههههههه

السؤال الأخير <<<<<<<<<<<< كولولولولولوش اخيرا ههههههههههه

حلمة الصدر عندي استوت واااااايد غامجه
يعني جسمي وعرفنا بنسويله سكراب وان شاء الله بيخف
لكن حلمة الصدر كيف اقدر ارجعها للونها الطبيعي ؟ لان احس السكراب مستحيل خخخخخخخخخ
بعد ماروم احط كريمات تبييض
ماعرف شسوي!!!!!!! وماعرف متى بترجع للونها الطبيعي هل بتطول ولا بترجع بسرعه للونها

ترى والله اعرف ان اسئلتي مااااالها داعي بس صدق ماعرف واستحيييييييييييييي اسئل حد اعرفه وامي واااااااااايد استحي منها وهي ماتيي تكلمني بروحها يعني انا مابقول لا لو كلمتني بس ماروم انا اسأل

هههههههههههه

عجيييييييييييبه الاسئله <<< يلا الي عنده فكره يجاوب انا بعدني توني في اول حملي

يلا ابا استفيد خخخخخخخخ

أنا بعدني ما ربيت و حابة أستفيد وياتج انشالله البنات ما بيقصرون

س1

مااستعملته ولا ادري عنه
س 2
الدكتولرة قالت حرمة اخوي هالخياطة اليديدة تختلف عن الخياطات مال اول فلالالالالالالاتستعملين شيء حتى ما يحتاي تيلسين في ماي وملح

س3

تشققات الصدر لالالازم تراجعين دكتورة – صار لي نفس الشيء ووصفت لي كريم ما اذكر اسمه في حدود ال40 درهم
اسالي الصيدلي عنه

س4

اشربي طبيخة ع الريجة

واشربي قرفة — خذي اعواد قرفة وحطيها في ماي حار وعقب اشخليه وحطي فيه شوية شكر

س5

يفضل ما تظهرين – عن الحسد عيون الناس ماترحم – وانا كنت اظهر بس بعد شهر وبس اسير بيت الوالدة او اتمشى في الشارع

س6

عاادي تخف مع الايام بس اهم شيء خليها دوم رطبة عن التشققات يعني يوم بتسبحين حطي شوية زيت اطفال او زيت زيتون عليها عسب التشقق يخف ويخف اللون بعد

اتمنى اكون ساعدتج

ولا تنسين ان انتي المحتاية فاسالي امج احسن لانها ماتعرف شو فيج

هههههههههههه

عجيييييييييييبه الاسئله <<< يلا الي عنده فكره يجاوب انا بعدني توني في اول حملي

يلا ابا استفيد خخخخخخخخ

بحاول اساعدج ولو ان تجربتي بسيطه……..

س1: البيتادين زين حق الجروح و لو تغسلين فيه مكان الخياطه بيريحج شوي بس خففيه

س2: استخدمي مرهم اسمه فاسودين عليه صورة اسد وااااااايد زين حق الخياطه طبعا بعد ما تغسلين المكان عدل واتنشفينه…. و اجبري نفسج انج تيلسين عدل لو عورج

س3: بالنسبه للتشققات ما اعرف كيف افيدج

س4: بالنسبه للطلعه .. عادي تطلعين بس تغطي عدل انتي والبيبي و لا اتخلين البروده اتجيسج وايد … و مب لازم اتخبرين العالم انج طلعتي ( يعني بالخش والدس) عن الحسد بس

والسواد ما اعرف شو حله

المهم انج تتغذين عدل عشان اتسوين حليب للبيبي واتعوضين الي فقدتيه

1. البيتادييييييييييين زييين بس صبي مقدار فنجان في طرنبه كبيره ماي
(قياس طرنبة ماي الصحة الكبيرة) واتتشطفيييبه 3 مرات يوميا..

2. عشان تبرى خياطتج اتودني في ماي وملح مرة فاليوم لمدة الأربعين كلها..

3. بخصوص التشققات بعد ما يرضع ولدج وينام حطي عليها من مرهم( ميبو) وااايد زين
وغطيه، وقبل لا ترضعين ولدج غسليه عدل..

4. شربي حبة حمرا وااااااااااااايد (الحسو)

5. بخصوص الطلعة ما منها خوووووووووف..

6. لون الحلمة بيرد لونها الطبيعي بعد 6 شهور إن شاء الله..