لو سمحتن خاواتي ..
إذا عندكن حد من عيالكن أو عيال معارفكن يدرس في مدرسة Pearl ..
أريد أعرف عن مستوى التعليم فيها خاصة الروضة ..
وشو مستوى إهتمام المعلمات والإدارة بالطلاب والطالبات ..
لو بغينا نستفسر عن أي مدرسة ..
لازم نسأل أولياء الأمور اللي عنده حدي يدرس في المدرسة اللي نبا معلومات عنها ..
وحتى نسأل الطلاب اللي يدرسون فيها ..
أما أني اسير واسأل الإدارة عن مستواهم ..
أو أكتفي بمطالعة موقعهم على الشبكة ..
أكييييييييد أني بسمع المديح والتميز ومن هالنوع من الفقاعات ..
أريد اعرف معلومات من أي حد عنده طلاب يدرسون في مدرسة Pearl
اللي في بوظبي شارع الدفاع على ما أظن ..
بلييييييييييييييييييييز ..
I need your help my dear sisters
..!!..
و رسومها وايد غالية
كان تدريبي ويا Foundation Stage 1
لي هو كي جي 1 في المدارس الثانيه او بري كي جي
اليهال الي تعاملت وياهم كانت اعمارهم من 3-4 سنين
انا اشووف انه المدرسه فيها ايجابيات وسلبياات
الكلاس فيه تقريبا 24 طالب بالكثيير
الكلاس الي كنت فيه كانو فيه بس 7 عرب والباقيين اجانب
يعني لغه التواصل انجليزي × انجليزي
الكلاس للكي جي 1 فيه معلمه ومساعدتين وللكي جي 2 فيه معلمه ومساعده
الدراسه قويه بس يعاملون الولد العربي كأنه انجليزي
يعني عندهم في الكي جي ون يدرسون الحروف اخر شي كدراسه لانهم يكونون حاطين في بالهم انه الاولاد انجليز وبيتعلمونها بسهوله
والاولاد يكون اوردي عندهم خلفيه عن الحروف
كي جي 2 يكونون يعرفون يقرون ويكتبون بس شوي يعني
صف اول درااسه درااسه من الخااااااااطر احس مال اعداديه في مدارس ثانيه
بشكل عام المدرسه قويه جدا من ناحيه الدراسه
وصح نسيت اقولج انه للكي جي ماشي حصص تربيه اسلاميه بس عندهم عربي حق العرب مرتين في الاسبوع
وبعدين اظن يدرسون مال منهج الحكومه لاني شفت الكتب مال الحكومه
ومن ناحيه السلبيات:
مثل ما قلت الصف اغلبهم مب عرب ولا مسلمين
وقت السناك تايم عادي يكون الي يالس عدال ولدج ياكل خنزير وهالشي شفته بعيني
والعيال العرب هناك احسهم وايد ماخذين عادات ربعهم الانجليز حتى ما يطيعون يرمسون عربي بعضهم حتى يوم اييون اهلهم اشوفهم يرمسون انجليزي وما يطيعون عربي وبعد ويا مس العربي يرمسون انجليزي
واذا تبين اي استفسار انا حاظره
وعندي بعد صور اذا تبين
أختي / كو كو شانيل .. أشكر لج مرورج على الموضوع وردج .. 
,،
أختي / Laris.MD .. يزاج الله خير ..
إذا كانت جذيه بيئتهم .. فـ هي ما تناسب عيالي ابداً ..
حتى لو أن مستواها التعليمي عالي .. شو بينفعني إذا عيالي خالفوني باجر ..
ربي يجزيك كل خير عزيزتي ..
الصراحه ايام التدريب كانو اييون حريم مواطنات ويسألوني شو رايج في المدرسه
كنت اقولهم الدراسه قويه بس ماشي اهتمام في العربي والدين
وكانو يقولون ايييه بس المهم الدراسه قويه؟ خلي العربي والدين اصلا كل المدارس جي !!!!!!!!
كنت وايد استغرب والله من ردت فعلهم لهادرجه مب هامنهم العربي والدين؟!!!!
انا كاتبه اني متدربه هناك لمدة اسبوعين
يعني انا كنت ويا اليهال لمدة اسبوعين كاملين من الساعه 7 ونص لين الساعه وحده ونص
يعني باختصار من قبل ما ايوون لين ما يروحون كلللللهممم
وكنت وياهم كل لحظه حتى وقت السناك تايم ووقت البلاي تايم
وعن الولد الي اقولج ياكل خنزير انا روحي فتحتله اللنج بكس وشفت مكتوب على شي نفس السوسج 100% pork salami
واذا بتقوليلي ما سمعنا كيف بتسمعون الاهل اصلا اييون في بدايه اليوم ونهايته يعني وقت البلاي تايم والسناك تايم الاهل ما يدرون شو يستوي
وترا شي اشياء وايد يعني غير لحم الخنزير استوالي بعد موقف ويا نجمه اسرائيل
بس خلاص خليها عالله
اصلا المدرسه مسوينها حق اجانب فانا اشوف انه الغلط من الاهالي مب من المدرسه