عندج قميص مليتي من شكله تعالي غيريه مع صمت الاصايل "درس" للعروس

شحالكم بنات عساكم بخير و نعمه

حبيت احط لكم هالدرس البسيط من موقع اجنبي حلو و سهل و ما يحتاج وقت طويل في تطبيقه

اذا عندج قميص مليتي منه و مب حابه شكله تقدرين تغيرينه بخطوات بسيطه

الادوات الي محتاجينها قميص قطني او اي نوع ثاني اذا حبيتو
مقص و خيط و ابره و شريطه طويله
قلم و مسطره

الخطوات :

1- اختاري القميص الي راح تشتغلين عليه.
2- قصي القميص على طول الخط الاحمر الموضح في الصوره و قصي شريط الرقبه
و احرصي ان يكون القص من النص و بالتساوي و يفضل انج اتيبين مسطره و قلم و تحددين بشكل خفيف علشان يطلع القص مضبوط و الجهتين متساويات..
:
:

3- اقلبي القميص على الجهه الداخليه و اجسفي القطعه حوالي 1 انش من الجهه الي قصيتيها و على طول الخط الاحمر..

4- خيطي الجزء الي جسفتيه على طول الخط الاحمر الي حددناه من قبل..

5- دخلي الشريطه على طول الخياطه الي خطيها من قبل و اجمعي نهاية الشريطه و سويها على شكل bow

و النتيجه الاخيره بتكون بهالطريقه :

:
:

ان شاء الله يكون الدرس عيبتكم و سوري على الشرح العبيط حبتين.. شوي فصحى وشوي عامي

طنشو انتو بس لوول ..

وان شاء الله بتكون في دروس ثانيه اذا شفت ردود حلوه مثلكم

———– مع السلامه_ _ _ _ _ _ _