طبعا يا خواتي وحبيباتي بدأ لصيف , وطبعا االاغلب مب مسافرات وقاعدات بالدار ..
ليش ما نسوي سكراب لجسمنا ونعدل في هالجسم الحـــلو ..
طبعا البعض منكم بيطلع لها اجازة من الدوام وبتكون فاضيه والي مخلصه كلية ولا مدرسه واجازة ,, فشو رايكم نهتم ,, في نفسنا عشان على بدايه سمستر يديد نكون حلوات ,,
صحيح الجدول الي بسويه بيكون مزحوم ,, وفيه شغل على الجسم ,, بس العيازات مالهم مكان هنيه ,, لان بيكون للبنت السنعه والي تحب الزين والعدول ,, > ويا حظ ريلها سواء كانت معرسه ولا بتعرس ولا عزباء وبتعرس بعديييييين ,,
يالله نبدا بسم الله ,,,
1 – التخلص من شعر الجسم ( سواء بالحلاوة او الواكس او الموس ) بالطريقه الي تحبينها
واحسن شي تشلينه بالحلاوة عشان الجسم يكون نظيف ويستقبل الشغل الي بنسويه .
2 – الحمام المغربي لازم يكون كل اسبوع مرة وحده , عشان نتخلص من الجلد الميت وبالتواصل عليه راح يتوحد لون الجسم . ويكون نظيف وناعم , ( وفيه طرق كثيرة في النت , شوفي محرك البحث google ,وبتحصلون ..
3 – تقشير الجسم بالطرق الطبيعيه مرتين بالاسبوع . مرة الطريقة الاول ومرة الطريقة الثانيه
الطريقة الاولى ( اختاري لها يوم بالاسبوع ) > ناخذ كميات متساوية من الليمون وزيت الزيتون وملح ناعم وسكر خشن ونخلط , ونحطيه في مكان نظيف , وتمسحينه على لجسم كامل , وتدخلين في حمام فيه بخار , والي عندها ساونا يكون احسن , وبعدين تفكرين الجسم طول ما انتي قاعده , لمده لا تقل عن النص الساعه , ويفضل ساعه كامله , وبعدين تغسلين بماي دافي , وتغسلين , بصابون ,.
الطريقة الثانيه( اختاري لها يوم ثاني في الاسبوع ) > تحطين على النار في جدر صغير ( ماي بقدونس + ملعقة من فكس وجلويسيد و زيت لوز حلو وربع كاس صابون غار مبشور و2 ملعقة من الشوفان ( الكويكر ) وملعقة من قشر برتقال مطحون وربع كاس ليمون ) ونحطه فيالثلاجه , بس يوم نستخدمه ناخذ منه شوي ونفركه على كامل الجسم . وبعد 10 دقايق نسوي تدليك , وفي البخار طبعا , ونغسله بماي دافي ,, وصابون ,,
4 -في الايام الثانيه الي ما راح نسوي فيها تقشير , ندهن الجسم بهذا الخليط ( ملعقة كبيرة من الورس وبتحصلونه عند العطار وتحطينه في غرشه زيت زيتون كامله , ) وننتظر لين يتغير لونها , وبعدين ندهن بها الجسم قبل السبوح , ونحليها لمده ساعتين على الجسم , وبعدين نغسل الجسم ,, ( لتبييض والنعومه وتوحيد الللون )
5 – وندهن الجسم يوميا بعد السبوح بكريم مرطب , وانا راح استخدم زيت الورد , ومتوفر في العطار ,
6 – بالنسبة للي عندها مشاكل في الاظافر وما تنمو بسرعه او تبا تطولها عشان مناسبه , تفركين الاظافر بفص ثوم , كل يوم , وبعدين تفركينها بليمون وايد زين , وممكن تستغنين عن الليمون بس بعد وجوده احسن ,, وصدقيني في فترة بسيطه بتطول الاظافر ,,
7 – بالنسبة للمناطق السمرا في الجسم , والي تخرب من منظر الجسم العام , يعني لو فتحت بصير لون الجسم كله واحد , ( في الحمام ندهن المنطقه بزيت زيتون , وبعدين نفركها بليمونه مغطسه بملح او بيكربونات الصوديوم , ونفرك هالمنطقه , ومرتين بالاسبوع )
8 _ للمنطقه الحساسه راح استخدم كريم تبييض ومقشر بنفس الوقت . يوميا قبل النوم ,
وقبل الكريم , راح اسوي غسول ( اغلي بابونج وبعدين اصفيه واحط فيه ملعقه صغيرة خل تفاح , وعسل ووكل ما زاد كان احسن ) وبعدين اغسل وانشف , وحط الكريم , وكل وحده لها حريه احتيار الككريم ,, المفتح ,
فيه امور اخرى مكلمه وتعطي نتايح روووووعه ,,
للي تبي انقباض مسام الجسم والنعومه الفائقه للجسم , وشد الجسم وتعطيره
في البانيو نحط 3 فناجين نشا الذرة وماي ورد , وتتغطسين فيه , ومرات تقدرين تبدلين النشا بخل لتفاح وجي بيكون للتطهير والتعقيم , وكل مرة غيري حسب المتوفر ,,
لتبييض الاسنان وتصير فيها لمعه حلوة وصحيه , ( نطحن فحم وملح خشن مطحون ) ونحطيه في عليه ونغسل فيه اسنان 3 مرات بالاسبوع باستخدم الفرشاة ,,
للايد ولريل , ندهنها باي زيت متوفر , وبعدين نفركها بليمونه مغطسه بملح ناعم , وبعدين نغمسها في ماي دافي لمده ثلث ساعه , ويفضل الماي يكون فيه ديتول وملح ,
وبعدين نسوي سكراب او سنفرة , ونغسل وندهن الريل بخليط ( فازلين و فكس ) يبيض ويخليها مورد ,, وحلوة ,,
وشرب الماي وايييييييييييد مفيد ,, وشرب فيتامينات بعد وايد زين يعطي نظارة ,, ويفتح
ادري انها صعبه للعيازات والي ما عندها همه ,, وما تحب الجمال ,
بس صدقوووووني انا عطيتها لربيعتي , قبل عرسها هالجددول ,, تقول وايد مرتاحه عليه , ووايد بيض جسمها لانها اهتمت صح ,,, وفتحت وايد وتوحد لون جسمها ,,
وانا في فترى سويت بعض من هالاشياء مب كلها وصدق تغير لون جسمي فتح وتوحد نوعا ما ,, والحمد لله ما رجع مثل قبل ,, وانا ناويه اواصل بهالاجازة عشان اوصل للنتيجه لمرضيه ,
والي تحب تهتم في عمرها خلها تاخذ همه وتبدأأأ في روحها وصدقوني بالاهتمام ,, تطلعين احلى وانعم عن باجي البنات ,, وسلامتكم
اتمنى الموضووووووووووع يعجب الكل وتستفيدون منه ,,
والي صدق حبت موضوعي ترفع لي الموضوع بدعوة حلوة , ان الله ييسر اموي ويحقق لي الي في بالي ,,, وتسلموون مقدمات يا حلوات المدونة ,,
ملحوظه : الي تبي تسألني ياليت يكون بالعام عشان الكل يستفيد , واذا ما رديت عليج , بعدين دزيلي ع الخاص واذا حسيت فيه اقبال من البنات بنزل جدول بس لرمضان عشان العيد عشان نكون احلى وابيض بنات للعيد ,,
بس انا ما كان ودي بشكر ,, والله اتمنى اشوف الهمه الحلوة , عشان اتشجع ونشجع بعض ,,
في انتظار البنات
المشاركة الأصلية كتبت بواسطة سكرحلو 