حبيت اطرح هالموضوع عشان الكل يستفاد منه من خلال تجارب البنات و العرايس و المتزوجات
طبعا الكل يعرف ان الريحة الحلوة و النظافة شي مهم بالنسبة لكل بنت خاصة المقبلين على الزواج
من خلال هالموضوع ابي اعرف افضل طريقة لتنعيم و تعطير الجسم سواء اثناء الاستحمام او بعد الاستحمام
اكيد شي لوشنات و بودرات و غيره من هالاشياء الخاصة للعناية بالجسم و اللي حابة اعرفه و اكيد الكل حاب يستفاد
شو افضل انواع العناية بالجسم ( من غسول و صابون و زيت و لوشن و بودرة . . . . ) مع الطريقة
اتمنى اللي تنقل لنا طريقتها و تجربتها تكتب لنا اسم الاشياء اللي تستخدمها و من وين
و لو يصير تكتب لنا بكم خذت هالاشياء يكون احسن
اتمنى الكل يتفاعل ف الموضوع
احب هالسوالف ^^ والدلع خاصه لو المزاج راااايق 
جربت وايد من هالسوالف وكل مره كنت اغير وابدل
لكن حاليا استقريت على ماركتين
فيكتورياز سيكريت اخذ من عندهم سيت كامل فيه عطر وشاور جل وكريم وان كان متوفر اخذ البودي سبراي
اعشق وايد اشيا من عندهم خاصه عطر Body وملحقاته
وبعد المحل العجيب (bath and body works (BBW
كل شي فيه ريحته عجيبه واتم فترة وما تروح، وتحتارين شو تاخذين
عن لـ سكرب من فترة بدى ينزل عندهم لكن ما يشمل كل الكوليكشنز
كمية قليله وانواع محددة (لكن وايد حبيته تاثيره ناعم، ريحته قوية، وفيه رغوة)
وعن الترطيب
اهم شي انج ترطبين جسمج بعد الشاور وقبل لا تنشف الماي عن جسمج (تكون المسام بعدها ما تسكرت)
تحطين كريم او لوشن (الكريم ترطيبه اقوى عن اللوشن)
او تحطين زيت معطر مثل مال اليهال من بيبي جونسون
بتلاحظين الفرق وترطيب عجيب ^^
والاسعار كل شي وله سعر محدد
تبتدي تقريبا من 50 درهم وطالع
اوول شيء شور جل عقب بدي اسبريه عقب الترطيب
والريحه اتم ،، بس غلط اتحطين اللوشن و عقب اسبريه الريحه ما تعلق
و ياليت تخبروننا بعد عن افضل مشقر و صنفرة للجسم
وتفيد لاثار حبوب الظهر اللي مضايقة الكل
واحسن لو تكون التجارب مع صور للمنتجات
يلا نترياكم 