عمري 22 سنة !! للسعادة الزوجية

السلام عليكم ورحمة الله وبركاته شحالكم ,؟
مثل ماعرفتوا عمري 22 واحس عمري عانس تأخرت ع الزواج , اللي قدي عرسوا ويابو يهال الحمدلله والله يسعدهم انا ما احسدهم اتمنالهم الخير والسعادة باذن الله والحمدلله يخطبوني بس لازم فيهم عيوب تحسون اني كبرت صححح !!
احس بفرااغ مب طبيعي
وانا انسانه مصلية وادعي ربي كل يوم والله يرزقني ويرزقكم

فديتك 22 بعدك صغيرة وين عنستي !!

بيجيك النصيب حببتي وبهالفترة اشغلي نفسك عمل دراسة اي شيء لاتفكري كثير النصيب يجي بوقته مب شرط 20 ولا 25 حتى

ربي يسهل امرك ويرزقك كل ما تتمني

ياقلبي
بعدج صغيرة كتكوته
الله يحفظج ويرزقج بالزوج الصالح

فدييييتكككم ماتقصروون , ترا الايام تمرر ونحن مب حااسييين

بعدج صغييييره

شو تقولي علي عمرهم اكتر على 30 سنه انتي بعدج صغيره شيلي فكرة الزواج من بالج وانشالله الي فيه الخير بينكتب لج

توج صغيره
عيشي حياتج ويا اهلج
الزواج حلو واستقرار
لكن عقب خلاص مسوؤليه بيت وعيال وزوج
يعنى ما بترقدين وتنشين وتاكلين متي تبين
بتكونين مقيده بوقت ريلج وعيالج
وانتي اساس البيت لو عندج عشر شغالات
بس انتى تاخذين قرارات من غير الحمل وتعبه والولاده والتربيه
يوم بتكونين جاهزة ربج بيرزقج فالوقت اللي هو حدده
انا عرست وانا اكبر عنج بوايد
وانصدمت بالمسئوليات
بيت اهلي مب بعيد بس ما عندي وقت ازورهم مع انى ما اشتغل وعندي بشكاره بس خلاص بيتي فالمرتبه الاولي
اول ما عرست وطلعت عنهم كنت اصيح وايد اشتاق لهم

اشبعي من اهلج وربيعاتج وروحي اعراس وعزايم
عقب ما بتدفنين عمرج بس طبعا ما يستوى كل اسبوع تخلين ريلج وتطلعين ولا تروحين اعراس ربيعاتج
وحتى الفون انا استحي اتم ارد واتكلم ويا ربيعاتي طول الوقت الا يوم ريلي يطلع
يعنى الزواج حلو بس بعد عليج واجبات انتي محاسبه عليها جدام ربج والمجتمع
عيشي وقتج والله بيرزقج ويرزق كل بنت بالزوج الصالح