عمتي والهدايا لتربية طفلك

هلا حبيباتي

والله انا ما عندي مشكلة بس حبيت اناقشكم في موضوووع

انا متزوجة اخو ريل اختي … واختي ميزانيتها على قدهااا ومن النوع اللي موول ما تهادي عمتي مع ان امي دوووم تنصحها اختي اترد وتقووول والله ريلي مو مقصر معاهم .. مع ان هدية حرمة الولد شيء ثاني

وانا اول ما عرست امي نبهتني اني اهاادي عمتي … طبعا انا خوفا على احساااس اختي قمت اهاادي عمتي على الخفيف وييبلها عطووور دخووون خوار شيء بسيط يعني وبالخش عن اختي لان اختي غياااره شووووي وما تبين جداامي بس امي تقووولي بحسن نية طبعا بس انا ما اشل بخااطري هي اختي بعد

المهم حرمة حميي اليديدة ما شااء الله عليها عمتي تموووت تموووت فيها مع انها لا تودي عمتي ولا تييبها ولا تطلع لضيوووفها بس انا بعد درااسة وفحص وتمحيص عرفت السر

تبووون تعرفووون شووووو

السر اللي عطتني ايااه امي بس انا بغباائي ما طبقته عدل

الهدايا

حرمة حميي ما يمر شهر ما تشتري حق عمتي وحمياتي شيء … عمتي تقووول جدامي فلانه يابتلي كذا … يابت حق بنتي كذا … وعمتي ترااا تقووول بصفا نية ما في خاطرها شيء

الحين انا نااوية اطبق نصيحة الوالد الثمينة بس

كيف امارسها بعيد عن اختي والله لو يبت شيء حق عمتي وعمتي رمست جداام اختي ادري انها بتزعل

وكيف اهادي عمتي بدون ما اتحس اني اسوووي جذي تقليدا لحرمة ولدها

وهلا هلا بالنصايح الزينة

ربي يوفقج الغلا

وانا احس ان لو كل وحده بتهدي عمتها هديه كانت هدت النفوس وحبتها وعاملتها مثل بنتها واعز لان الرسول عليه السلام قال (تهادو تحابو)

اتمنى البنات يفيدونج بالطرق المفيد وادعي لي غلاي بالزوج الصالح اللي اتمناه

الله يرزقج بالريل الصالح حبوبة

وصدقيني الهداياااا وااايد تقرب العمة من حرمة الولد

الله يرزقج حبيبتي بالعمة اللي تهادينها

اتعرفي يا اختى انت المفروض ما تراعين اختج في هاى النقطه بالذات لانها ما فيها ايى مراعاه اصلا لانج تبين تادين الواجب تحبين تقدمين هدايا وحتى لو اختج على قد حالها ممكن تهدى عمتج الشي البسيط بس هى من نفسها ما تسوى خلاص كيفها بس مو عشانها تخسرين الفرصه بكسب عمتج وانت فكرى وحسبيها زين واضن هذه ما فيها غيره ولا شي. يا اختى اختج تعرف الواجب فما قدمته هذا معناته انى انا اسوى مثلها ؟ اسالى عمرج وانا متاكده انج بتجاوبين .

حبيت اضيف نقطه بعض العمات ترا يقارنون بين حريم الاولاد وانتوا ثنتين طالعين من بيت واحد وتصرفاتكم ترجع لامكم يعنى يرضيج حد يقول والله بنات فلانه ما يبون ؟

انا ما اشرج بس احب ابين لج الوضع

السموححه يا اختى هذا الهديه عرفان وجميل لام زوجج

أختي هاتي هديه لها وقدميها على أساس إنها منج ومن أختج وجذيه ضربتي عصفورين بحجر واحد

فكرتج حلوووة بس انا عارفه اختي لو سويت جذي واستخبرت بتتحرااااني اصرف عليها وبتزعل

انا اعرف طبع اختي يوم افصل لها بالعيد عباه شرات عباتي تزعل وتعطيني البيزات اتقوولي انا عندي افصل مو محتاجه

ترااا ريل اختي وايد يعطي اهله مووو مقصر ولان اختي تحط راتبها مع ريلها بالبيت ويصرفون ويا بعض هي اتحس ان يوووم ولدهم يعطيهم شيء انه هي ساهمت فيه بس عمتي بتقووول ولدي يابلي موو حرمته من جذي اختي ما تاخذ لعمتي مووول هدايا تقوول يسد اللي ولدهم يعطيهم اياااه

والله بلشة يوووم الوحده تاخذ اخوو ريل اختهاا هههههههههه

فهمتيني حبوبة