فكان يوديني ابات عندهم بليل و اي الفجر من يخلص الدوام اقصد يمر علي و يشليني السالفه يا جماعه ,
تخيلو بعدني عروس يديده و اول عروس في بيتهم و بنت ناس و يايه من اخر الدنيا ( انا من كلبا و ريلي من دبي ) انزين المفروض يحبوني او عل اقل يعاملوني شرات بنتهم , تخيلو وقت الرقاد ما كنت اعرف وين ارقد او باي غرفه انام !!!!!
اتريا عمتي تخبرني عقب ما يخلصون عشاهم طبعا ( انا كانو يطرشون اليهال عشان يعزموني عل العشى يعني
) و عقب ما ارز ويهي عل عشى و اخلص اتم في صاله اتريا اللي فهمته من الحركه هاذي انه دبري عمرج يا حلوه , المهم كنت ازقر الخدامه عشان تفرش لي و انام و تميت على هل حال و ما كنت ارقد الا الدمعه في عيني , و ذاك اليوم يت الخدامه تقولي : مدام مافي فراش ماما كلو فريتي برع في كربان ( حتى اللي كنت ارقد كان يربان و خايس بس كنت امشي حالي ) فنمت ذاك اليوم عل ارض و تحت راسي لفيت فوطه و عدت الليله و حلفت من ذاك اليوم اني ما ابات عندهم ليله وحده و عقب خبرت ريلي السالفه و زعل اني ما خبرته من قبل , وقت العزايم كانو ايون ناس من اهلها و معظمهم عيم و كنت احسهم يحشون فيه لانه هم اونه جميلات و انا مب مازره عينهم فلي فهمته من وحده فيهم انهم كانو يتكلمون عن العدسات اللي لابستها و حزت في خاطري و عمتي تضحك معاهم و انا كنت الوحيده اللي ما افهم عليهم المهم شليت عمري و طلعت و نفس شي عزايم من ذاك اليوم ما اروح , رمضان كنت حامل و كرشتي جدامي تخيلو كنت اروح قبل الفطور بنص ساعه و عمتي اصلا عندها خدامتين بدال الوحده من غير خدامة بنها متزوجه بس ساكنه عندهم . عل فطور اول ما اح لقمه في حجلي كله تقعد تنغز و تتكلم و انا تعبانه من الصبح في المطبخ و محد اي يساعدني و الخ الخ !!! و عمي بعد كان ينغز و يتكلم و حرمتي مسكينه من متى في المظبخ يعني الكلام كله كان لي انا , كنت استغرب من كلامهم والله 
انزين عندج البنات و الخدم شو تبين فيني انا انتي و اول حمل لي المفروض ادلعوني و بيب لكم اول حفيد لكم يعني الوحده تتوقع معامله عدله شرات الناس المهم من ذاك اليوم ما اروح افطر قلت لريلي تووووبه , ربت في بنتي توقعت اهتمام و زيارات و دنيا , تخيلو ولدت الفجر يوني ثاني العصر اونه عمي كان مشغول و هي مشغوله مع عيالها مع انه تسوق , قعدو عني شرات الغرب نص ساعه و راحوووو قلبي عورني على عمري تميت في مشفى 3 ايام زاروني بس ذاك اليوم , يت سلفتي اليديده هذي عاد لها معامله خاصه بقولكم :لمن تي تيات عند عمتي , عمتي بنفسها تفرش لها و اخر شي تعطر الفراش بس طبعا فرش خاص لها و لريلها مب اي كلام حبيبي .
طبعا قلاص ماي ما تشل عندهم و يابه خدامه خاصه لها بس( تشتغل مدرسه و فاهمه و لسانها طويل ).
في رمضان كنت اروح عند امي و ريلي يفطر عند امه فكان يشوف امه اطرش صينيه خاصه لها و تفطر في حجرتها بروحها و ريلها يفطر برع معاعم يعني الحبيبه مطنشتهم عدل و مسويه طااف لهم استغرب
ريلي من الحركه , طبعا عمي ما كان يقول لها كلمه وحده و لا يعلق على تصرفاتها حملت مرتين و طرحت يحليلها , بس تعالو شوفو كيف الزيارات و الهدايا و لحركات و الدلع كانو كل يوم يروحون لها و يقعدون عندها مال ساعتين احيانا 3 ساعات , وقت العزايم الكبيره و الاعياد كانت عمتي تسوي لحم بس حقها هي خاص تسوي لها دياي لانه ما تحب لحم اونه و توصي شغلات يلبون طلابتها اذا هي مب موجوده مع انه عندها خدامتها , و الشاي و العفسه و كوفي , سبحان الله دنيا .اللي عرفته انها تساعدهم في مصروف البيت من الهدايا الذهب و الخاوير من اغلاهم طبعا لعمتي و اغلا العطور لعمي و دهن و دنيا و انا كبعا ما كنت ايب لهم هسوالف و لا راح ايب بعد لانه اللي شفته منهم مب شوي
ما اقول غير حسبي الله و نعم الوكيل سموحه .
احسهم عادي جداً وتصرفاتهم الكل يتصرفها لا تنسي ان تهادوا تحابوا شي بديهي بيحبوها دام تهديهم الزين وشي بديهي تتحلطم عليج يوم تروحين تفطرين من غير ما تشلي بايدج شي حتى لو حامل
كلهم العالم جي مب بس قوم عمتج وبعد غيرهم اخس من جي
الشي الحلو ان طلعتي ببيت بروحج اول زواجج
الحمد الله انتي بصحتج و عيالج معاج و ريلج عندج ..شوفي هالنعم كلها كم تسوى … والي ذكرتيه فوق كله تجاهليه و كملي حياتج بدون ما تتوقعين اي شي منهم ..
موفقه الغاليه
اختي لاتزعلين عمرج ولا اتحطين بخاطرج…بس بسالج كم سوال
انتي يوم اليهال يزقرونج للعشاء وين اتكونين؟ و ليش من الاساس مب برع وياهم مدامج ضيفة عندهم؟
وكيف علاقتج بيهم اتزورينهم دوم تتصلين بيهم تسالين عنهم؟؟ والا في بيتج عروس و تتريينهم ايحبونج من غير سبب بس علشان انتي مرت ولدهم؟
اذا اتشوفين اهل ريلج طريقة معالمتهم لج غير و للحرمة الثانية غير…فاكيد في اسباب مو مني و الدرب؟
فشوفي انتي طريقة تعاملج وياهم كيف و اسلوبج…لانه الصراحة انا عندي مرت اخو ومن اسلوبها ويانا الجاف و تخششها بحجرتها اكبر طاف امسوينلها شرات ماتتجاهلنا اتجاهلناها!
في البداية الوالده كانت اتروحلها للغرفة تناديها للاكل و بعدين اليهال و الخدامه..و تعبنا هيه مب غريبة!
وبخصوص الهدايا امي يوم ربت عطتها طقم ذهب بالسعر الفلاني..ومرت اخوي حتى قطعة ب 100 درهم ماشفنا منها؟
الحمدالله مب محتاجين شي …بس بعد هاي اشياء اتباعد بين القلوب.