علموني { العيب } اذا انا ماعرفه ..! رعاية الاطفال

هلا

شحالكم فديتكم

ابى راي الكل في موضوع النقاش هذا ^^ لان يهمني راي الكل ^^

ابى راي المالجات بالاخص^^

سؤال يدور في بالي ويتكرر وايد وايد !
بنات شو فيها لو المالجه
تزور بنات ولد عمها >> توني صلحت الغلط ^^ لان البعض يتحرون بيت عمي { ابو ريلي }
انا اقصد بيت ولد عمي
عيب

والا حرام

والا مكروه ؟!

والا فيه شي يسيء لديننا الاسلامي !!

ابى اعرف يعني !
شو وضع المالجه عندكم ؟؟
مب حلو انها تسير بيت ولد عمها كل مره وتسولف وياهم
اذا هي ترتاح لعيالهم ؟

كل ماقلت شي قالوا انتي مالجه ؟! وعيب تزورينهم
فيني نجاسه مثلا؟ هههه وكل ماقلت بروح اسمع هالكلمه { انتي مالجه } عيب تروحين !
انا احس هالتفكير سوري يعني سخيف وماله قيمهعن نفسي اروح لبنات ولد العم..هم خمس ماشاء الله ويرتاح لهم قلبي,, احس بالراحه عندهم وخصوصا اني وحيده في البيت محد عندي موووول وانا انسانه اجتماعيه اموت غصه
ويرتفع ظغطي لو قعدت الروحي والحمدلله هم نعمه من رب العالمين ^^..
وصراحه ارتاح لهم وايد وماعندي غيرهم
لاني عايشه بفراغ وصرااااحه ماقدر اصبر عنهم احسهم المتنفس
الوحيد اللي اقدر افرغ فيه كل شي
فرحي وحزني واشوفهم بلسم والله
وهم عيوني اللي اشوف ابها هالدنيا
ومحد يحس فيني كثرهم ,, لانهم يوقفون وياي بالزينه والشينه ..
يعلي مانحرم منهم أبـــد طول الدهر ^^….

..آمـــــــين …

وانقهر لما يقولون انتي وايد وياااهم =p
ياااخي مادام فرحتي معاهم ويفهموني ويفهمون كل شي
فييني شو المانع في زمن قل فيه هالشي !!
اللحين الناس اللي عطوني عيونهم اغلي عليهم
بعيوني ؟! من غلاهم قمت اهاذي ابهم !!

انقهر لما يقولون جيه !
طيب انتو انشغلتو بعيالكم وووالخ وبدنياكم وانا في البيت قااعده..{ النار ماتحرق الا رجل واطيها}
مافيها شي لو تنفست عندهم ؟! والله مافيها !!
دام الراحه بقربهم !!
حاسدين الميت ع موته اليمعه هع
انا انشغل بمنو !
مايمر اسبوع الا اشووف محيااااهم
ومثل ماقلت لكم امهم وااايد ويانا يعني علاقتنا فل فل فل

والله حاله !
قبل مانملج يوم اروح لهم يقولون يوم بتعرسين
سوي اللي تبينه وع كيفج مالنا شور لج !
يوم ملجنا قالو بعده الشور عندنا
ولاتروحين لهم كل مره او على قوله اخويه
الاكبر عيب تروحين بالاساس لناس مش معرسات
وباجر بعرس وبعد على هالمنوال!
وصراحه الى اعوض من اعرس اكيد اني بنشغل عنهم وايد !!
ونحن كلنا قلب واحد !

واخوي اللي اصغر عنه يقول نفس الشي بس يقول مب كل يوم عاد
عيد تروحين بيتهم,,

وقلت هالرمسه عشان ناس من هلي مايقولون نازعوج عشان كل يوم
تروحين !
يعني كل واحد وتفكيره وجهه نظره ,

واتفشل ساعات لما يحتايوني واكسر بخاطرهم !!
حتى ساعات امهم تباني ايي اقعد وياها
لاني سوالف هههه فديتها ^^

حبيت اعرف راي الكل في هالشي.!
فيها شي لو المالجه قعدت مع ناس من هلها علاقتهم قويه قويه قويه !
وخصوصا لو انه ماعندها شغل وترتاح لهالناس وايد بدال الظيجه
والوحده؟!

انا وجهه نظري::

ابدا مافيها شي.. شو يعني الوحده يوم تملج يحرم عليها زياره اللي مش معرسات !؟
خاطري اعرف هالنقطهـ..خاطري اعرف تفكير اخويه الكبير في القصد
ان خلاص من العيب تزورين بنات مش معرسات !؟

مثلا شو بسوي فيهم ؟؟
الحمدلله عندنا اكل ماباكل حد هههه؟!!

مممممم ,,

طرحت الموضوع حبيت اعرف وظع المالجه عندكم من ناحيه
عيب الوحده تزور اللي مب معرسات
يعني انا طرحته بس عشان اعرف هالشي؟
لاني اعرف بتيي ناس بتكتب >> ناس في بالي
نحن كل مانسال وين فلانه قالوا بيت ففلان @-@
انا اقصد من ناااااااحيه عيب نزور اللي مب معرسات^^

أختكم : حبك سباني

المشاركة الأصلية كتبت بواسطة ملكة الاحاسيس

بصراحة // انا لما ملجت زادت علي المحاصرة اقولج بكل صراحة .. يتصلون علي اخواني وابوي .. يخافون علي من الحوادث بالشارع ,,احيد مرة اخوي العود والله العظيم ما انسى هالموقف ,, ابداً كنت اتجهز قبل العرس بشهر .. وعصب علي وقالي باي حق تطلعين روحج وانا راويته شو اشتريت وفوق هذا ما صدقني !! تخيلي .. قالي ليش تطلعين روحج ..

يا اختي الناس ماترحم حد .. لما طلعت مع ريلي وقت ما نجهز للملجة سووها سالفة وحشروا امي بالموضوع .. ماعليه حبيبتي .. كلام الناس يكبر ..

انتي اتحملي شو بتقولين .. وخليهن يزورينج ..ما يستوي انتي كله تزورينهن .. انا جيه .. ابوي منعني ازور ربيعاتي .. ومعظم البنات جيه على فكرة .. بس مافيها شي .. سوي كل اسبوع عزيمة بيتكم على خفايف وحياكم الله بنات عمي في بيتنا مافيها شي ..

يعني الحال سيان ..
المشكله يالغلا… هم 5 بنات ..
وييونا من بين فتره وفتره
يعني ساعات يوم اييهم اقولهم المره اليايه
انتن تعالن بيتنا ^^..
وييون ساعات وساعات لا
وساعات يقولون مثلا
نحن 5 بنات وانتي بنت وحده
انتي اسهل بييتج فاهمه عليه غناتي؟^^
بس مستغربه من هالشي

جنه المالجه فيها جراثيم الدنيا
خايفين عن تعدي الكل لووول

وحليله اخوج خاف عليج .. الله يحفظه لكم .
توني كنت مظاربه ويى اخويه خخخخخ عشان هالسالفه
وعشان يراظيني
وداني البحرررر ومشاني شوي ,!
زين بعد
يمكن لاني قلت له طفرت ترى من البيت
وحتى بنات العم حارميني منهم
شبقى بعد غير اني ادفن عمري بالتراب
ههههه حليله غمظني =p

يالله الله كريم ,,
شو نسوي بعد ..

وهذا رايج وقبلته
ومشككوووووووووره على المرور حبيبتي^^

المشاركة الأصلية كتبت بواسطة ميسون الدبة

يقولون عيب!

بس هذا تفكير جديم

نحن مثلا عندنا: يقولون عيب المعرسة تيلس ويا البنات

و عيب و عيب

لكن من ناحية الدين ما اظن ورد حديث عن هالشي

الامهات اتوقع يخافون من انه المعرسة تخبر بناتها اشياء زوجية

ما عليج اختي من حد

و الله يسعدج

و يزيد المحبة بينج و بين بنات عمج

اسمحي لي غناتي
طوفت ردج
توني انتبهت له
كنت ظاربه ع سرعه 160خخخخخخخخخخخ

من ناحيه الدين حتى انا ماعتقد تواجد هالشي.!!
هم يمشون ع الدين وعلى غير الدين في التفكير
استغفر الله العلي العظيم ..

امين يارب
ومايفرقنااااا ان شاء الله الا المووووووت
امييين
وانا بعد تفكيري راح لانهم يخافون
الوحده ترمسسس بهالشغلات !!

عيل جان ودرت ربيعاتي بعد =p

الله يعين
تسلمين ويزاج الله خير ع المرور الغاوي