https://forum.uaewomen.net/showthread.php?t=245801
انا كاتبه القصه شهر 5 /2017
ولين الحين علاقته وياي ويا امي واخواني نفس الشي يعني من سيء الا أسوأ
والحين نحن بندش 2024 وماشي تغير
وانا يوم كتبت لكم سالفتي عقبها بشهر عرست والحين عندي ولد الله يخليه لي ان شالله ويحفظه يعني صار عالسالفه سنه و5 شهور
ساعدوني شو اسوي؟؟
ادعولي بالخير واني اكون بنت باره بامها وابوها، وادعوا لامي الله يصبرها على بلواها امي كاسره خاطري والله لو وحده غيرها وصارلها اللي صار لامي والله بييلها حاله نفسيه
امي تحملت واااااايد
الله يخليكم ارفعوا الموضوع ولو بدعوه بسيطه
والسموحه
16 مشاهده ومحد ردت علي ؟؟؟؟؟؟؟؟؟؟؟
بليييز ساعدوني
ان شاء الله بيتغير بس ادعو له انتو
كنتي صف سادس يعني 100% نص السالفه فاهمتنها غلط
تعرفين شوه اللي مخلنج مب متقبله ابوج؟
أنج طول الوقت تقولين اكرهه واكرهه لين ما اقنعتي نفسج انج تكرهينه وماتتقبلينه وانا متأكده انج تحبينه
لانه هذا ابوج والظفر مايطلع من اللحم فديتج ، مهما كانت عيوبه اوصليه وزوريه حبّي ع راسه
حبّي اياديه مابتخسرين شي بالعكس تكسبين من وراه اجر ودوم ادعي له
ونفس الكلام بالنسبه لامج (وقل ربي ارحمها كما ربياني صغيرا)
والله نعمه من الله ان ابوج حي .. نحن اللي ابونا اتوفى رغم انه الحمدلله مب ناقصنا شي الا انه
نتمنى شوفته على هالدنيا والله العظيم .. احمدي ربج انه بصحته ولازلتوا تشوفونه
الله يطول بعمره ان شاء الله .. ويخليكم له 
موفقه بأذن الله
انتي مب الوحيده اللي تمر بهالمشكله وايد بنات نفس حالتج ..
الله كريم … اتقربي من ربج أكثر و زيدي الصدقة بـ نية ان الله يحسن علاقتج بأبوج
و ان شاء الله ربي ما بيقصر وياج اختيه ..
و لا تنسين الحرص على الصلاة .. زيادة الاستغفار .. قراءة القرآن أكثر و قيام الليل
هالأشيا كلها بتساعدج اختيه ..
و هذيل كلهن يزيدن قربج من الله ..
واظبي عليهن و ربي ايسر أمرج و يفرج كربتج ..