خواتي بغيت أسوي تقشير حق التصبغات والكلف اللي في ويهي
المهم سرت مركز سيلكور في راك وقالتلي ما ينفع لج غير جهاز يديد نسيت اسمه وهو موجود بس عندهم وقالتلي هو بالاساس يعالج الندب والجروح والحبوب
بالاخص لكنه يعالج بعد التصبغات ويخفف من تجاعيد البشره والحمدلله ما عندي لا ندب ولا حبوب ولا تجاعيد انزين وين المشكله ….. المشكله في سعره قالتلي الجلسه عشرة آلاف درهم
ويمكن احتاج جلسه ثانيه وانا اساسا مب محتاجته غير في ازالة التصبغات …… فبالتالي انا قريت عن تقشير اسمه ديرما ميلان فخواتي اللي سوته او سوت اي شي يخوز التصبغات
الله يجزيها خير تخبرني وتفيدني انا وخواتي في المدونة وفي اي مكان سوته وكم سعره ………………………….
اختيه التصبغات وايد تتعالج بالاهتمام وكثرة شرب الماي
سيري كذا عياده وان شاء الله تستفييدين
لا تستعييلين سيري مركز ثاني .. وطلبي تقشير عادي .. واذا انتي مرتاحه لهالمركز طلبي من الدكتوره تقشيير عادي واذا اصرت على هالجهاز قوليلها امكانياتي ما تسمح .. ما احب الدكاتره يوم يصرون على شي واحد واللي بالعاده سعره وايد مرتفع احسهم ما ديين وما يهمهم شي ثاني …><