عــــرق النـــســـا … والحمـــــل ؟؟؟!!! إفيدووووني … لصحة الجسم

السلام عليكم ورحمة الله وبركاته ..

إشحااالكم ..

بنات .. أعــاني من آلـــم فضيييييييييييييع في نهاية ظهري صوب اليمين .إلين القدم ..

الألم يمتد من الخلف فاهمين عليه !! (( الله يبعد عنكم هالألــم )) إن شاء الله ويعاافيني …

يبتلكم صورة من النت … عسب أوضح لكم كييف :

منوه جاااسها هالمرض ؟؟؟ …

على فكرة أنا دورت في النت عن أعرااض النسا طلع نفس اللي أحسه ،، يعني هالتشخيص

تشخيص الدكتورة لوليانو .. اللي هيه أنا ..خخخ

المهم يابنات ،، منوه كانت تعاني .. وخاصة في فترة الحمل … مع إنه ما جد صار لي في حمل

عيالي الباقيين …"سبحان الله " …

وشو العلاج ؟؟

مع إني خبرت الدكتورة في زيارتي الأخيرة عن الألم ،، تقول عادي .. أقولها أشتكي من كذا .

. إتقووول عادي .. كل شيء كاان عادي عندها … " مشكلة المستشفى ما يعطونا المواعيد

على نفس الدكتوورة ..!! سبحان الله كل دكتورة تختلف عن الثانية … ..صح ؟.

وإسمحووولي فديتكن طولت عليكن ... وإنتظر ردووودكم وإن شاء الله ألاقي الحل لمشكلتي ..

والله يعين كل حااامل إن شاء الله ويسهل عليها ..

خويتكم / أم عبدالله …

ويرزق كل محرووومه بالذرية الصالحه يااااااااااااااااارب إن شاء الله ....

الغالية انا بحاول افيدج بناء على كلام الدكتور لان امي كان فيها
الحل الغالية بسيط جدا انا بروحي انصدمت هو يوم تنامين ع ظهرج حطي تحت ركبج 3 مخدات من النوع الزين مب الخفاف عشان ترتفع ريولج وارقدي وحاولي قد ماتقدرين تنسدحين وتحطين هالمخدات تحت ريولج اول كم مرة بتقولين مب مرتاحة بس عقب بترتاحين وبيخف الضغط على الظهر وبترتخي الاعصاب اللي في الظهر ومشدودة ومسببة لج هالالم واذا كنتي من بوظبي سيري مستشفى النور عند دكتور "قبطة" اظن اسمه جذي وبيقولج نفس الكلام
والله يشافيج ان شاء الله

اختي انا كان عندي نفس الالم فالشهور الاولى وكذا دكتورة قالن لي عادي اونه شد عضلي نفس طريقه الالم اللي بالصورة بالضبط وكنت ما اقدر امشي يعني كنت اعرج خفت وااايد والدكتورة وصفت لي كريم ومطارة الماي الحارة -طبعا تم فترة طويله عقب بروه روح عني

الله يعين الجميع على عرق النسا

حتى الرياييل فيهم ..

يزااج الله خير حبوبة ع التوضيح .. وإن شاء الله بجرب أحط المخاد ...

ما قصرتي ..

مشكوورة ع الرد بارك الله فيج وماقصرتي ….

تسلمين ختيه ع المرور …

والله يعين الجميع إن شاء الله …