عطوني من خبرتكم ف هالامور ….. اعمال منزلية

السلام عليكم ….

اللي عندها فكره يا ليت تساعدني ….
عندي سؤالين .. ان شاء الله القى الجواب المفيد عندكم ..

السؤال الاول ….
كيف اقدر اثبت الـ sheet على الشبريه ؟!!!
دوووووم يتحرك ومتعذبه وياه ,, حتى يوم ارتبه احس جني مب مسويه شي !!
كيف تثبتونه ؟؟؟

السؤال الثاني ,, يخص الطبخ …
تعرفون الصواني مال الكيك ,, اللي فيهن اشكال ,, يعني يوم نجلب الكيكه يظهر شكل مثل ورده ….
دوم ما تضبط عندي وتتم لاااااازقه ..
لازم احط شي قبل ما احط عجينة الكيك ؟؟؟
هل صحيح ,, احط زيت وارش طحين ولا كيف ؟؟

وتسلمون مقدما خواتي …

هلا أختي بالنسبة للسؤال الاول انا كنت أعاني من هالمشكلة ولقيت حل لها بهذي الطريقة وهي انج تربطين الاطراف

او انج يوم بتشتريين اللحاف دايما تاكدي من ان sheet يكون على اطرافه بلاستيك اريح لج ^_^

أما عن السؤال الثاني اكيد لازم تدهنين الصينية بشوية زيت او بالطحين
قبل ماتحطين الخلطة ^_^

والسموحة

هلا اختي امطار شرقية ..
تسلمين ع الفكره الحلوه ,, ان شاء الله بجربها ,, عيبتني ..
عندي بس شرشف واحد فيه مطاط والباجي لا … الغالبيه اشتريهن بدون مطاط ….

هلا اختي سنتاريتا ..
تسلمين ع الرد الغاليه …
وان شاء الله بجرب هالطريقه ,, لانه دوم تلزق عندي الكيكه ويخترب شكلها واتحسر ..

بسبه السؤال أول أنا كله اشتري إلي فيه المطاط

وسؤال الثاني إذا كان تيفال ما أحط شيء وإذا نوعيه ثانيه زيت وأرش شوي طحين

عزيزتي بالنسبه للسؤال الأول ..هو انك لازم تحطين اول شي شرشف ساده والاحسن يكون ابيض وهذا على طول لازم يكون موجود في كل سرير وبعدين حطي الشرشف اللي تريدينه لان الاول يثبت الثاني ..وهالطريقه معتمده عندنا في العايله كلها ..حتى ممكن تشوفين هالطريقه في كل الفنادق…
اما السؤال الثاني فمثل ما قالوا الاخوات بالزيت والطحين او ممكن تاخذين السبراي الجاهز اللي ينرش به التيفال

السؤال الأول: أنا كنت نفسج أتبهدل وايد خاصه عيالي يوم ألقاهم يناقزون أخ ويروح كل التعب

أنا أحط لحاف يبيعونه في كارفور ب12درهم تقريبا وهو خفيف مره ودايما يحطونه في أيام العروض
وبعدين حطي الشرشف وإن شاء الله مايخترب

والسؤال الثاني:مافي غير الزيت والطحين