عطوني افكار لهدية بمناسبة البيت اليديد لتكوني انيقة

السلام عليكم

بغيتكم تعطوني افكار شو اشتري هدية او شو اعطيهم بنماسبة البيت اليديد؟؟

ممكن تاخذين طقم صحون مع طقم دلال… هالله هالله في التغليف

وإذا كنتي قريبة منهم وااايد ممكن تأثثين المطبخ
يعني تاخذين ثلاجة أو فرن أو غسالة صحون أو غسالة أوتوماتيك

شرشف (كفر )للسرير

اكسسوارات للبيت من هوم سنتر أو هوم أر أص

لوحات..

سلة عطور..

مزهرية ورد صناعي بس تكون شي سبشل تنحط في مكان في البيت

هذا اللي تذكرته

السموحة

ع حسب ميزانيتج ..واذا كانوا مقربين شوفي شو هم محتاجين ..مثل تيلفزيون او فيديو..غرفه نوم للاطفال ..ومثل ماقالت الاخت ثلاجه الخ.. واذا معارفكم بس بعاد..ممكن كفر او طقم فوط او طقم اكسسوارات للحمام .ابجورات ..لوح للتعليق..عندج صحون طقم ملاعق ..ممكن تحصلين الي ذكرته في هوم سنتر او دويل او بي اج اس او هومز ار اص او لايف ستايل والاغلبيه مسوين تنزيلات وخذي الهديه وخلي محل الهدايا يغلفهم لج بشكل مرتب..انا من فتره خذت للاهلي بس كنت شايفه البيت وعارفه الي ناقص وكملته مثل سجاد للحمامات واكسسواراتهم وكفر لغرف اليهال وبراويز وستاندات وطقم صحون ودلاال وصياني للعصير واكواب ماي وللعصير ..وعلاضه ثياب ع شكل قلم لليهال والتغليف كان احلى ..

فكري في اشياء ما يركزون عليها الناس وايد مثل
اجهزه اعداد الطعام والاجهزه الكهربائية مثل جهاز عمل البسكويت عين الجمل
وجهاز عمل الدونات والمعمول ونافورة الكاكاو والعصير

فديتهن خواتي ما قصرن ولله ^_^ في الافكار و فعلا خذي شي مفيد و يديد ^_^