بقولكم بصراحة .. مشاركاتي قليلة لكني الف المدونة لف .. البنت لا تشتكي من اختها شوي مطفشتنا
ولا اخوها عصبي .. ولا مقصرين عليها بالمصروف .. و يمكن تكتب سالفة مالها خص و تحط هالشي
الردود كلها الله يرزقج الزوج الصالح و ترتاحين .. يعني الحين لو عرسة اختها بيتغير سلوبها ولا اخوها بكون كاظم الغيض
و بعد تسئلون ليش البنت بعدها ما تخرجة من الثنويه و مستعيله ع العرس .. من كلام الناس الي يحسسون البنات انه الزواج هوه الحل الوحيد لكل المشاكل .. شو مصباح علاء الدين و أنا ما اعرف
انا بقولكم قصتي .. انا من كان عمري 16 سنة و الناس تبا تفرح فيني عقبالج و ما اعرف شوو و الخ الخ الخ الخ .. وصلت الـ 18 حسيت عمري كبييره للحين مب مخطوبة والله من كلام الناس و كل سنة تكبرينها العدد يتضاعف .. اوك ما اقولكم لا تدعون لي بالزوج الصالح بس مب لهدرجة .. ليين ما صدق قام الموضوع يشغلني
بعدين انتبهت لعمري .. انا وييين و الزواج وين .. طبعي مزاجي .. ماخذة الدنيا مصخرة .. مستهتره .. الي في قلبي ع لساني .. الي في راسي اسويه .. دلة شاي ما اعرف اسوي .. أسلوب لبق ما عندي .. و امي ما اقدر افارقها .. تعرفووووون اكتشفت انه ما فيني مقومات اني اتزوج و اكون قد مسؤلية الزواج يعني اتزوج و اكون واعيه و وفاهمه مب اتزوج اجرب حضي و بالشهر الياي راده بيت ابوي ابا اتطلق
خلاص يا ناس لا تححسون البنات انها بدون الريال ما بتعيش .. خاطركم تفروحون ابهم .. ادعولهم عن ظهر قلب تراها اقوى و ما تحس البنت بنقص
و لا تحسسون البنات انه الرجال هوه الحل الوحيد لمشاكل الدنيا كلها ،، مع اني الي اشوفه من تعرس تهل ع الحرمة كل البلاوي :S
انا زين مني ادل مكان المطبخ بس اما اسوي شي مب متفيجة هههههههههههههههههه
تسلمين ع المووضوع
طبعا مو الحل بس الدعوة حبيبتي عن ظهر قلب..
وحنا نقوول بدعوتنا..
ربي يفرجها علييج وتتيسر اموورج ويسرزقج الزوج الصاالح..
لا إله إلا الله ..
بــــــــــــاركـ الله فيج غـــاليتي وأسعدكـِ البــاريء مدى الدهـــر ^_^
غــــــــاليتي انكـِ لا تعلمين كم من رد ع موضوع صغير غير نفس صـــاحبة الموضوع وبحثت عن التغيير لا الحل السريع وهو الزوااج ..
الموضيع والمـــشاكل تطرحهـــــا الخوااات بحثا عن حل جذري لا سريع ..
غاليتي النـــــــاس إلي حولج حابين يفرحون فيج حالج حال غيرج من البـــنات ..
والزواج طاعة الله ورسوله و سنـــة الحيــــــــاه .. .
ألا تعلمي أن الرسول صلى الله عليه وسلم يريد منا الزواج ليبــــاهي بنـــا بين الامم لكثرتنــــــــا ..
وقال صلى الله عليه وسلم " تزوجوا الودود الولود فإني مكاثر بكم الأمم يوم القيامة" رواه النسائي و أبو داود.
تدربي عزيزتي ع الكلام الطيب واللبق ونحن معشر النســــــاء ناعمين بتعاملنا ..
كيف ما فيج مقومــــــــات للزواج ..
كل بنت ايهـــا نصيبهــا بما كتبه الله تعالى .. تفرح وتفرح اهلهـــــــا .. هب في خاطرج تفرحين الوالـــده ..
مصير البنت تفارق أهلهــــا وتتبع ريلهــــــا ..
لا تحطين فكرة ومعوقـــــات تحول بينكـِ وبين الزواااج ..
كل بنت تعرس تتغير تبدأ لها مسؤوليـــــــات ثانيه ..
أبعـــــــــدي عن تفكيرج كلمة الطلاق ..
ومنوه قال ان الزواج اهم شي في حياة الحريم ..
ولكــــــــــن هذي سنة الحيــــــاه الحرمه استقرارها وراحتهـــــــــا في بيت ريلهـــــــا ..
إلا اذا الوحده ما ياها نصيبهـــــــــا لا تعترض ع إرادة رب العبـــــــــــاد ..
الزواااج غاليتي حياه آخـــــــــــرى .. الزواااج مصير كل وحده تعرس وتيب عيـــــــــال .. الدنيــــــــا تدور ومحد بيدون للحرمهـ إلا ريلهـــا وعيالهــــــــــا ..
غــــــــــــاليتي غيري من تصرفــــــــــــاتج وعيشي حيــــــــــاتج ولا تجعلي من الزواااج هم بين عينيكـِ ولكــــــــــــن بإرادة رب العبـــــــــــــاد بيي نصيبج وبتفرحين وبتعيشين حياتج .. والحياه الزوجيه حلوه ومره تمر بجميع المراحل والمرأة القويه تعرف تتصرف ..
حفظج ربي وأسعــــــــــــــدج ^_^
يعني من تكمل 18 سنه تباا تستقر وتعرس وهذاا مب عيب فديتج
صحيح ان الزواااج مب حل لكل مشااكل البناات والشبااب .. لكن ماا يخصه
ان البنت تتعلق بالفكرة لمجرد انهاااا سمعت اي انسان يدعيلهاااا بالزوج الصاالح
هااذي فطرة بالانساان وخااصه البناات والانثى معروف انهااا رومااانسيه وتحب الاستقراار
موفقه حبوبة ^^
العنوان لفت انتباهي
هيه والله صدقج
الرياييل مافيهم خير
ياخذون الحرمه لحم ويعقونها عظم
ادرسي واشتغلي وسوقي وعيشي حياتج
لاحقــيين ع الهــم والنــكد والمسؤلية
يبالنا نسوي قرووب تحيا العزوبية خخخخ