كيف حالكم يا سيدات الإمارات
حبيت أشكركم على تجاوبكم معاي لموضوعي السابق
عندي كمن سؤال و محتاجه لمساعدتكم
1- إلي عندها أو تعرف مكان أقدر أحصل منه زفات اسلامية كامله ياريت لو تساعدني
2- محتارة و ما أعرف كيف أسوي المسكة في حد عنده أفكار أو صور ممكن يساعدني ؟
3- أنا حجزت لي فستان و شكله من تحت نفس أوراق الورده بسيط جدا و كلاسيكي و حابه أحط اكسسوارات للشعر تتماشا مع تصميم الفستان ما أبغي تاج فهل حد عنده اقتراح ثاني؟
4- محتارة في التسريحه أبا شي بسيط مب دفش و حشرة و في نفس الوقت حركه يديده
5- بخصوص الحنا أنا في الشارجه تقدرون تقترحون علي صالون أو حنايه في دبي أو شارجه
و يكون السعر مناسب
6-أبا قميص نوم راقي لهذي اليله يكون كلكشن و لونه أبيض أو أوف وايت عادي داخل وياه ذهبي
تقدرون تقترحون علي محل؟
وسلامتكم
ومشكرين مقدما و جزاكم الله خير لأنكم بس قريتو موضوعي
قميص النوم العريش فالسوق الجديم..عندهم قمصان عادية وعندهم حق أول يوم…في الطابق الثاني..
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن
و عليكم السلام و رحمة الله وبركاته الغاليه .. و شحاالج فديتج ؟!؟
1- إلي عندها أو تعرف مكان أقدر أحصل منه زفات اسلامية كامله ياريت لو تساعدني
فديتج بالنسبه للزفات عندج احلى عرووس .. و الدي جي ممكن يووفر لج زفه ..
2- محتارة و ما أعرف كيف أسوي المسكة في حد عنده أفكار أو صور ممكن يساعدني ؟
الغاليه انا عندي صوور من النت فنانات لكني ماعرف كيف انزل الصوور .. بس ممكن ادليج لمكان اسيريله عندج مركز شاااطيء جميرا في دبي في جميرا عندهم محل رووعه يسوي مسكات فنان
3- أنا حجزت لي فستان و شكله من تحت نفس أوراق الورده بسيط جدا و كلاسيكي و حابه أحط
اكسسوارات للشعر تتماشا مع تصميم الفستان ما أبغي تاج فهل حد عنده اقتراح ثاني؟
الغاليه سيري محل تيجااان في الشاااارجه رووعه عنده كل اللي تبينه و ممكن انه يفصلج الغاليه اللي تبينه و تطلبينه ..
4- محتارة في التسريحه أبا شي بسيط مب دفش و حشرة و في نفس الوقت حركه يديده
اانا شااايفه تسريحه .. فنانه في مجلة زهرة الخليج عرووس 2024 .. من صالون كليوبترا هزري التسريحه عجييييييييبه .. .. شووفيها الغاليه التسريحه بناتيه و رهيبه دلع ..
5- بخصوص الحنا أنا في الشارجه تقدرون تقترحون علي صالون أو حنايه في دبي أو شارجه
و يكون السعر مناسب
حبوبه مرااسم فنان بس انا اللي عرفته من ربيعتي تقول ان لو قلتيلهم عرووس و لا هب عرووس النقشه نفسها .. و الله اعلم ماادري .. ما حط في ذمتيه .
بس الغاليه في صااالوون اسمه حفصه رااعية الصاالون اسمها سميره فنانه دقيقه يوم تحني و حناها ما شاء الله فنان و سعرها حلو الصرااحه قراب الالفين …
6-أبا قميص نوم راقي لهذي اليله يكون كلكشن و لونه أبيض أو أوف وايت عادي داخل وياه ذهبي
تقدرون تقترحون علي محل؟
الغاليه عندج نعووومي .. و شي محلاات بعد في البستان ..
هذا كله اللي اذكره احييييييييييييييييييييييييين ..
و ان شاء الله يا ربي اني اكوووون كفييت او وفيييييييييت .. .
اي شي تبينه الغاليه زياده و لا تستفسرين ع الخاااص الغاليه …
و السمووووووووووووحه ..
الله يووووووووووفقج ياربي .. و ان شاء الله فديتج تكونين احلى عرووووووس .. الله يهنيج دنيا و آآخره يا ربي .. 
عندج موقع ليل وقصيد وموقع زفات وموقع غنوة اسعارهم معقولة .. ولاتاخذين من غيرهم لانهم حراميه ياخذون 1000 و 2000 ع شي مايستاهل .. هالموقاع اسعارهم تتراوح من 400 ل 600 بس .. وعندج وحده من البنات منزله موضوع ف هالقسم عندها زفة الجسمي ومنى امرشا وايد حلوه واسلاميه اسمها عروس النور كلميها بطرشلج ياها ببلاش ..
2- محتارة و ما أعرف كيف أسوي المسكة في حد عنده أفكار أو صور ممكن يساعدني ؟
دام فستانج بسيط وكلاسيكي سوي مسكة بسيطة بس تكون كلها فصوص سوارفسكي .. ماعرف اسامي المحلات الاوكي عندكم ولا جان قلتلج وين تسيرين ..
3- أنا حجزت لي فستان و شكله من تحت نفس أوراق الورده بسيط جدا و كلاسيكي و حابه أحط اكسسوارات للشعر تتماشا مع تصميم الفستان ما أبغي تاج فهل حد عنده اقتراح ثاني؟
احين طالعه موضة الفصوص الي تنحط ع شعرج .. وايد كيووووت يعني تسوين تسريحه مرفوعه وتكون شي اوفر طبعا ومرتب عندج امل التونسية فنانة ف التسريحات .. عقب هي تفصصلج التسريحة بشكل كيوت يبين جنه تاج بس شي غريب ماعرف كيف اشرح اكيد اذا قلتيلها بتعرف تسويلج بس اهم شي يكونن الفصوص سوارفسكي الحجم الوسط والصغير ..
4- محتارة في التسريحه أبا شي بسيط مب دفش و حشرة و في نفس الوقت حركه يديده
دشي هنيه
https://www.shathaa.com/vb/showthread.php?t=46602
حبيت التسريحات الي فيه .. كلها رومانية ..
5- بخصوص الحنا أنا في الشارجه تقدرون تقترحون علي صالون أو حنايه في دبي أو شارجه
و يكون السعر مناسب
ماعرف والله ..
6-أبا قميص نوم راقي لهذي اليله يكون كلكشن و لونه أبيض أو أوف وايت عادي داخل وياه ذهبي
نعومي – وعندج محلات قمصان نوم وايد عندهم كولكشن 10 قطع .. انا خذت مالي من محل اسمه كلاود ناين مادري اذا شي عندكم ف الشارجه بس وايد فنانين ..