عرايس .. محتارات شو تاخذن من THE BODY SHOP ؟

مساء الخير يا عرايس .. يا حلوات ..

شو أخبار التجهيزات .. ؟
ماشين تمام التمام .. ولا في شوية عرقلات .؟

الله يسهل عليكن كلكن ان شاء الله ..
وتعدي أعراسنا كلنا على خير ..

طبعاً من شوي كنت يالسة اسويلي shopping list من THE BODY SHOP
فقلت خل أشوف اللي أباه ..
عشان ما أسير وأتفرج وأضيــّــع الوقت ..
أدخل .. اتفرج شوي .. لوووووووول .. <——- لازم تتفرج شوي ..

المهم ..
قلت بما إني وايد استفدت من خواتي .. خل افيدهن بعد ..

ومابا منكن إلا دعوة حلوة ..

نبدأ ..

أولاً ..
الـ GIFTS .. عندهم كذا مجموعة حاطينهن فوق كهدية ..
تقدرين تشترين بدال لا تيلسين محتارة وتيمعين وغيره وممكن يطلع عليج أغلى ..
من ضمنهن .. اخترت لكن 3 مجموعات ..
وهناك في مجموعات أكثر بعد تقدرون تشوفونهن وتختارون ..

ثانياً ..
الـ Body Lotions .. وهن كريمات الجسم ..
اخترت لكن 2 ..
وطبعاً هناك بتلقون وايد .. وبروائح مختلفة .. في بالفانيلا .. البرتقال .. الفراولة ..
وغيرهن ..

ثالثاُ ..
الـ Shower Gel .. سائل الاستحمام ..

رابعاً ..
الـ Body Shimmer .. لمعة الجسم ..
وفيه سائل .. ونوع ثاني بودرة ..

خامساً ..
الـ Body Butter .. زبدة الجسم ..
وأنا ما استغني عن الزبدة .. سواء من بودي شوب او من محل غيره ..
صدق تطري الجسم واليد وتعطيهم رطوبة ونعومة روعة ..
وفي بروائج مختلفة ..