السلام عليكم…أشحالكم الغاليات…تووووني راده من السوق وطبعا خميت السوق هههههه ويبت عباياتي مب كلهم لاني في طقمين ماخلصوا هذا اخر كولكشن صممته ودايما احب العب فالقصات…وراح احطلكم الصور مب بالتفصيل يعني جزء من الشغل طبعا مب كامل لان توووه يديد مالبست منه شي…وللاسف الاطقم عالطبيعه غيييييييييييييييييييير والصور واااااااااااااااايد ظالمتنهم ومب عاطتنهم حقهم ابداااا لان تصوير موبايل…
ملااااااحظه::الاطقم مب للبيع….وماأحلل نهاااائيا أي بنت تنقل الصور لمدونة ثاني او تنسبها لنفسها او تستخدمها للاغراض التجاريه…
بسم الله نبدأ:
هالطقم وااايد حلوو وشيك فاللبس…هذي جزء من العبايه فيها ريبون ولولو فوشي احجام مختلفه وشك بسيط ازرق ترتر مع خرز وحلقات كبيره….والشيله الشغل اللي فيها أكثر انا احب يكون الشغل عالعبايه اخف من الشيله…
هالطقم فيه دانتيل وريبون من الاورجانزا البرتقالي وتطريز ملون وهذا جزء من العبايه اما الشيله فتصميمها غريب شووي وقصتها غريبه وكلها كريستال…..
هالطقم مب مبين عدل فالتصوير فيه دانتيل وورد جينز وورود مخرمه لونها اسود وخطوط بيج مخرمه بالحديد نفس الحزام وهذا جزء من الشيله اما العبايه فتصميمها شووي سبورت وفيها خيوط جينز….
هالطقم تراثي فيه مربعات من الفضه هههههه وزن الطقم روحه يمكن 5كيلو…ثجييله وااايد بس غرييييييييبه ودزاينها روماني العبايه قطعتين بس لاصقه فبعض.وتحت الصدر تكون زامه..بس شكلي بخليها للمناسبات لانها واايد ملفته لان دزاينها يديد وغريب…وهذا جزء من الشغل…
هالطقم خيااااااااااااااااااااااال قبل لاراويه حق احد اقولهم قولوا ماشالله بالاول ههههههه اكثر واحد كلفني من المجموعه سويته حق عرس جريب عندنا وتقريبا العبايه فستان..مترووووووس شواروفسكي وفيها ورود بارزه وبعد قصتها غريبه ومن قطعتين اللي تحت مصكره كامل يعني مايبين اللي لابسته واللي فوق قطعه شرات الساري خفيفه.والشيله لاصقه فالعبايه وفاالايد وفيها اكسسوار يثبت عالشعر ماعرف كيف اوصفها .وهذي جزء منها..
وفي باقي طقمين للحيين ماخلصوا اذا عيبكم بحطه……..وسلاااامتكم……شرايكم؟؟
نا اتوقع الروماني شرات ديزاينات عبي خنجي الي تنربط على الخصر تحت الصدر صح؟؟..بس عاد الباجي شغلج واايد راقي
و موفقه دوم
ا
مب وايد واضحات بس مبين انهن حلوات ….. ^^
لبس العافيه ان شاءالله
لبس العافية يالغلا
