انا حاليا في لندن ..وصار لي تقريبا 8 ايام ..وفي كل يوم اشوف الخليجيات لابسات الحجاب بطريقه يديده..
حلو ان الوحده تغير في السفر ..وتلبس حجابات ملونه بس مب بالطريقه اللي انا اشوفها..
يعني تربط بس شعرها وتخلي رقبتها تظهر ..اونها مغطيه رقبتها بالبودي الهاي نك…
انتو تعرفون هذا شووو ؟؟؟ هذا الحجاب اليهودي….للاسف كل الخليجيات اللي في لندن حاليا يلبسن الحجاب بهالطريقه ..والصور موجوده تحت ..
وانا متأكده انه حجاب يهودي لاني رحت منطقه في لندن خاصه باليهود وشفت حريم يهوديات لابسات شرات هالحجاب…واللي مب مصدقه تكتب حجاب يهودي في جوجل وبتظهر لها الصور..
.. والله اني اسمعهن عدالي يرمسن ومتاكده انهن خليجيات شراتنا…مب من اي جنسيه ثانيه ..
والله انهن طاحن من عيني اللي يلبسن بهالطريقه..
يعني رقبتج برى ..والقذله برى ..لا وبعضهن يظهرن الشغبات ..استغفر الله ..عافاني الله وصلن لهالانحطاط…
انا من يومين يتني البيت وحده برازيليه كوافيره ويلست تسولف عن الاسلام وتسألني شوي ..قالت لي انا استغرب من العرب او المسلمين يوم انها بس تغطي شعرها وكل جسمها مفتوح او مرصصه ؟!!..
تخليوا ؟؟هذه اجنبيه وانتقدتهن ..كيف نحن ؟؟؟ هذه شو ارد عليها؟؟!! ..طبعا انا صرفت الموضوع بطريقتي الخاصه ..وشرحت لها اشيا وايده …بس شو الفايده الشرح والبنات مستمرااات بهالشي..
بليز خواتي لاتسوون اي شي بدون علم .وبعدين والله هالاجانب مب حاطينا في بالهم ابد ..واقسم بالله اني اعرف بريطانيين يضحكون علينا.والسبب تصرفاتنا نحن الخليجيين برى في بلادهم …تكشخي مب مشكله بس في مايرضي الله ..
اتمنى ان محد يزعل من الموضوع ..وفكروا عدل قبل ماتقلدون اي حد …
بليز لاتنسوني بالدعاء..
المشاركة الأصلية كتبت بواسطة بنت الشويعر 
امين يالغلا…
تسلمين على المرور والدعوه الطيبه ..
ويزاج الله خير الغاليه
بس مب شي اصلن الرقبه برع
الهاي نك مايسوي شي
الا يغيرون يعني الشيله بلاها
لااااا وبنات شفتهن لابسات كابات مغطين بها شعورهن
و الباقي عادي جنه العيد لول
الله يهديهم ويهدينا ^_^
الله يهديهن بس..
اب اب بليز