شحااااااااااااالكم يا حلوااااااااااااااااااااات
يوم شفت موضوعي الأول وشفت البنات استفادوا منه قلت بنزلكم خلطتي السحرية الثانية
انا كتبت فموضوع الاخت فلفل بارد عن خلطة الجسم وما شفت الردود الا الحين وكنت بأخر هالخلطة بس قلت عسب البنات يستفيدون واللي وراها عرس بعد تستفيد 
المهم الغاليات اولا : شفت ردود ما عيبتني واللي عندها رد مب حلوو توفره حق عمرها لاني مب يالسه أألف هني ..انا يالسه احط شي اجربه وافيد فيه البنات ..يعني ها يزاتي . 
هالخلطة مثل ما مبين فالعنوان استخدمتها قبل 3 سنين والحمدلله محت كل الآثار وطبعا مب هي بس اللي فادتني لاني استخدم وااايد خلطات بس اللي جربته اول شي هالخلطة وانبهرت بنتايجها والله فاسبوعين اتوحدلج لون الجسم او ع الاقل اللي جسمها متلعوز تخفف من الاثار الين ما تمحيها ….ادري طولت بس عشان تعرفون سرها
انيي للخلطة
المكونات سهلة جدا ومتوفرة فكل بيت تقريبا
علبة جليسرين كبيرة تنباع فالصيدليات بس لازم كبيرة عشان تكفي اسبوع ع الاقل وفي منها انواع وهاي الصورة اللي حصلتها
بطاطا متوسطة الحجم طبعا تنغسل وتبشر
عصير ليمونة صغيرة
تخلط هالمكونات مع بعضها وتترك يومين وبعدها تستخدم كييييييييييييييييف ؟
طريقة الاستخدام :
ناخذ قطن الدواير ونمسح من الخلطة ع الاماكن اللي فيها الاثار كامل الجسم يعني البقع ومكان البشرة اللي مب متوحد لونها ونلبس بجامة جديمة لان الخلطة بتخيس الملابس وترقدين فيها لين اليوم الثاني …يعني اللي تبا تستفيد تخليها اقل شي 8 ساعات يوميا لانها ما تضر حتى لو طلعتي فيها فالشمس عاااااااااادي لان مكوناتها طبيعية …
وكل وحدة ترد علي بعد اسبوعين من استخدام هالخلطة لانها مجربة من كذا حد مب بس انا ..وان شاء الله تبيضون وتصيرون احلى امراااااااااات هههههه
همسة : بنات البشرة تحتاي تنظيف وتقشير وخلطات وترطيب يعني ما تعتمدون على شي معين …يعني كل اسبوع لازم حمام مغربي ومب لازم روحه الصالون عندكم جهاز السونا له نفس المفعول وبعد السكرب مهم للجسم والسوق متروس منه وانصحكم بسكراب بودي شوب اللي بالاملاح رووووعة وريحتة تجنن بعد …وفي خلطات واايدة حق الجسم فالقسم بتساعدكم بعد …يعني هالكلام اللي تبا تلق وتستوي ثلجة شراتي ههههههه ^_*
في شي نسيت اذكره هالمكونات كلها تنحط داخل علبة الجلسرين لانج بتسكرينها وبتحفظينها فدرجة حرارة الغرفة يعني ما تنحط فالثلاجة …….تعبت وانا اعدل فالموضوع والناس تقرا وتطلع ……شخطوا توقيعكم ع الاقل
وما اوصيكم بالدعاوي الحلوة تراني احبكم عسب جي كتبت الخلطة
بس حبيت آتخبرج عن البطآطا .. شووو نسلقهآ .؟ ونهرسهآ ولا كيفـ .؟
البطاطا تبشر …ما نهرسها ولانسلقها …نقشرها ونخلها نظيفة تلمع وعقب نبشرها وما حصلت صورتها ولا بحطها اللي نبشر فيها البصل فالمطبخ اتمنى عرفتوها واثناء ما تبشرين بتلاحظين في ماي ينزل مع الباطاطا حطيه مع الخلطة طبعا
و جعله الله في ميزان حسناتج ان شاء الله
فأكيد خلطتج نتايجها حلوة بعد
يعطيج العافيه الغاليه وتجربه حلوة وتفيد البنات