خواتي ليش البعض قاعد يحسسنا ان الريال زوج ميت ع فلوس حرمته ترى الريال بعد له راتب ونادر مافيه رياييل جيه انا عايشة افبيئه والاحظ هالشي بلعكس يقول لحرمته يمعي ولا تسرفيين ويتساعدون وهالشي طبيعي في الحياة وشهريا يصرف عليها وع البيت معقوله رياييلكم الاغلبية عينهم ع بيزاتكم .. خلونا نتناقش.. احس الريال انظلم ياجماعه الخير
من خلال تجربتي ومن اللي اشوفه واسمعه ان الريال لازم يتحمل اعباء مصاريف البيت.
اليوم وحده قالتلي ان بعد ماساعدت ريلها وسدتله كل ديونه عرس عليها.
يضايق بعض الحريم ان الوحدة تشتغل و مرتاحة و كل سوالفهم
ليش تشتغلين و ليش و ليش و كيف و من وين
انا عندي كذا وحدة اعرفها ربات بيوت و كلما بسسوي شي ولا شرينا شي ولا سافرنا قالوا هي تشتغل و تسوي و و و ….ألخ
شو معور راسكم اشتغلوا و دلعوا عماركم
بس الحمد الله رب العالمين من أول من انخطبت لين يومج يصرف علي و يوصلني و مب مقصر الحمد الله و عمره ما طلب مني
و راتبي بمستوي راتبه و عليه التزامات و بيت و سيارة وانا ما علي اي التزامات
و الحمد الله مستانسة براتبي مدلعه عمري الحمد الله
وما شاء الله كلهم من اخوان ريلي و اخواني ما شاء الله حريمهم يشتغلون بس حشى جان جبروا الحرمة ولا قالوا ما بنعطيج وما بنسوي
لو يموتون يحليلهم و ع قص رقبتهم ما يطلبون شي من حريمهم
حتى مثلا بنروح نتمكيج ولا شي .. تلقين اخوي يقرقش جيبه و يعطيني لان حرمته ما ترضى تاخذ منه ع قولتها اشتغل و بدفع شو يعني
في ريايييل ما في منهم و ينحطون فوق الراس
بشكل عام
المساعدة حلوة بين الاثنين بس الريال اللي يستاهل مب اللي مسافر و يزني وما فيه اخلاق و تفتحين ايدج له و ترى عمرها الفلوس ما تخلي الحرمة تكسب ريلها ابدا
و العشرة تفرق اللي متزوجة سنة غير عن ام 25 سنة و ها الزمن كل شي غلى و ما في ريال يروم يفتح بيت و يسوي بروحه الا يمكن يبغي له 10 سنين لين ما ايمع و اللي ما فيها صبر تساعد دام يستاهل بو عيالها
و سبحان الله بعض الحريم ما ادري كيف تفكيرهم ما ابغي اقول حسد حشى والله ترى سوالف حريم هههههه
بس كلن يرى الناس بعين طبعه ..
و في منها مب محصلة الراحة في بيتها و تبغي تحش و تعلق ف خلق الله
و ألزم ما على الحرمة راحتها هي مرتاحة تشتغل ما عليها من اي وحدة تتفلسف فوق راسها
و دام الحرمة مرتاحة مع ريلها ترى الناس يحشون
اختى تشتغل وراتبها اكثر عن ريلها
واشترو بيت ومسجل البيت باسمه ومعا ذلك
اختى تقسط من معاشها للبنك
والحمدلله مرتاحه من ايجار
ومن السكن ببيت أهله
الله يهديها
الحياة بالتفاهم
عمره ما سألني وين راتبج و ليش و عصب علي و ادخل في راتبي
اتمنى يوم يقولي انتي صرافة لاني صدق اصرف و اسوي لنفسي
بالعكس انا مرات من يزيد راتبي اشتري لي ذهب و سوالف تنفعني
و ما يى يوم حسيت اني اشتغل عسب الفلوس بس لان فلوسي تزيد الحمد الله رب العالمين و فيها بركة
الانسان القنوع بيحصل بركه في كل شي
هذا ما يمنع الوحدة تساعد الريال اللي ما يقصر معاها ابدا بطيب خاطرها مب بالاجبار
يعني الاشياء الاساسية عليه اغراض البيت و اليهال و جي و الفواتير و الكهرباء ……الخ
بعض الكماليات اتشارك فيها مثلا السفر او يمر شهر ما يروم يدفع للخدامة انا بدفع ترى الخدامة لي و لعيالي في النهاية
امهاتنا و ابهاتنا يشتغلون و يتساعدون و هذا يعتمد ع الزواج و الريل
بالعكس الدنيا فيها خير بس يمكن بعض البنات يجوفون الجانب السلبي !! و يسمعون قصص تخرعهم
العشره و المحبة تغير كل شي و في ريايييل يتقردون بالكلمة الطيبة
انا بالنسبة لي اجوف وايد رياييل زينين و ايدهم مفتوحة من الوسط المحيط بي 
و ترى في حريم فاضيات ما وراهم شغله غير الحش و بعد هذا من الوسط المحيط بي هههههههه
و هاي اشترت و هاي سوت و هاي هى تشتغل و تسوي و تدفع لريلها و هاي شرت بيت و هاي سيارة
ساعتي اونها يعني رولكس . تشتغل شعليها 
حسد عيني عينج الحين كل حد يكشخ و صار رولكس شرات اسكريم بو نص
و فلانه اونها مسافرة في يوم زواجها يعني هي تشتغل اكيد من راتبها 
انتي شو معورنج خخخخخخخخ
يحسسوني راتب الحررمة مليون دولار بتسوي كل ها السوالف ههه
أن المحيط بالمتزوجة واللي تشتغل محيط مبني ع الحش والتخريب (البعض)
يسوون قصص من راسهم عن الحرمة وبيزاتها وأن ريلها سارقنها
وعادي هي راضية ومرتاحة وريلها فلس واحد مب ماخذ منها
في فئة تحب المشاكل وتخرب بين الحرمة وريلها
وهالشي كنت أواجهه وأعاني منه من بعض الناس الله يكفيني شرهم
يزرعون في راسج أفكار ولو مب مقتنعه بس يأثرون فيج بشكل أو بآخر
بس نصيحة،
اسمعي قلبج وسوي اللي مقتنعه فيه وصكي أذنيج عن هالنوعية من البشر
اللي ما عندهم غير الحسد والقال والقيل!