ياليت حد يساعدني ب طريقة macaroni and cheese
يقولون الطريقة سهله .. بس ماقدرت اضبطها ههههه
ياليت اللي بتجربها تحط لي الطريقه بالصوووور بليييييييييز
بعطيج طريقتي لعمل معكرونة الجبن 
ان شالله تعجبج ..
المكونات ..
2 كيس معكرونه
صحن صدور دجاج جاهزة من كارفور و تقطعينها بالطول .. اذا ما تبين الدجاج ممكن تستغنين عنه
2 كاس جبن المراعي السايل
1 قشطة
1 ليتر حليب فرش
مكعبين ماجي
مشروم مقطع سلايسات
فص ثوم مطحون
بصلتين مقطعات جوانح
بقدونس مفروم
زعتر يابس اوراق
اذا تحبين الفلفل الرومي الاخضر مقطع بالطول
الطريقة:
تسلقين المعكرونة و تخلينها على جنب
في جدر كبير تذوبين زبده و تبدين تحمسين التالي :
البصل و المشروم و الفلفل الاخضر .. بعدين الثوم .. و تعقين عليهم الماجي .. تخلطينهم زين لين يمتزجون ..
تعقين الدجاج .. و تخلينه 20 دقيقه لين يستوي ..
تضيفين القشطه و الجبن و الحليب .. تخلينه خمس دقايق و عقب تعقين الزعتر و البقدونس المفروم ..
اخر شي تحطين المعكرونه و تجلبينه شوي لين تختلط كل المكونات و ترفعينها من الفرن و تقدمينها ..
عوافي ..
بس ياليت لو بالصوور