طلبتكم ياجمآآآعهـ الخير ,,,

# حلييب يسمن البيبي ؟؟و هل نان يسمن؟؟او اس 62 شو فايدة التمر للبيبي ؟؟
اعطي ولدي اس 26 و ماشاءالله عليه متكتك و خليها تبدأ اتأكله لانه دخل في الاربع شهور
تعطيه اشياء بسييطه .
و بالنسبه للتمر وااااايد زين نفس ماي و شكر .. يعني يمشي بطن الياهل .

#شو الاحسن مسح البيببي بزيت الزيتون او زيووت الاطفال احسن ؟؟

زيت الزيتون واايد حار على جسم الياهل
هو زين بس بشرط انها تدهن جسم الياهل و عقبه سيييده على الحمام و اتسبحه يعني ما اتخليه ..
( احس زيت الاطفال اخف و احسن )

#كيف تعرف انه الحليب نااسب و لدها ؟؟
اذا ما جاسه امسااك معناته زين و ناسب ولدها
يعني خليها تستخدمه اسبوع اذا ما سواها خليها اتغير الحليب

#متى نبدا نقعد اليآآهل ؟؟و شو هي فااييدة الحلبه للياهل ؟؟
فالخامس زين حتى لو الرابع يوم تبا اتأكله خليها اتحطه في كرسي بس الظهر يكون شوي مرتفع مب واايد .
و عن الحلبه ما عندي اي خلفه عنه ..

#الماء له أضرتار و ليش ما نعطيه لياهل لحد ما يكمل 6 شهور ؟؟
والله جوفي اول ما يظهر الياهل من بطني امي اتحط في حلجه ماي اتقول ما عليج منهم
في ناس يقولون مظر و ناس يقولون زين مادري !!

# اذا كان البراز لونه اخضر يدل ع الحليب ما ناسبه او مريض او شو بالضبط ؟؟؟
لا مافيييه شي لا تحاتين
عاادي و طبيعي برووحه بيتغير على مر الايام لانه هذا وصخ بطنه من يوم ما كان في بطن الام

وبالتوفيق

# حلييب يسمن البيبي ؟؟و هل نان يسمن؟؟او اس 62 شو فايدة التمر للبيبي ؟؟
انا استخدم لولدي اس 26 …بصراحة هو سوالة امساك
بس من كثر ما يمدحونة ما اريد اغيره له لين تتعود بطنه عليه
وعن التمر ممكن اختج بعمر ولدها تاخذ نص تمرة وطعمه ولدها وهو مفيد بس مو وايد بهالعمر

#شو الاحسن مسح البيببي بزيت الزيتون او زيووت الاطفال احسن ؟؟
انا امسح ولدي بزيت الزيتون
وكل اللي اعرفهم سواء من اهلي وربعي حتى الشغالة ينصحوني فيه يوم ادهن ولدي

#كيف تعرف انه الحليب نااسب و لدها ؟؟
لو ياه امساك وتم يصيح وعنده وايد غازات معناه هالحليب مو اوكي

#متى نبدا نقعد اليآآهل ؟؟و شو هي فااييدة الحلبه للياهل ؟؟
بين الشهر الخامس والسادس نبدا نقعده وخليها تتحمل على عموده الفقري
اوالحلبة انا سمعت عنها انها تمتن وجي
بس بصراحة ما احب اعطي ولدي هالاشياء
واحب استبدلها بفيتامينات الاطفال
وبتلاقينها بالصيدلية

#الماء له أضرتار و ليش ما نعطيه لياهل لحد ما يكمل 6 شهور ؟؟
دوم الكبار ينصحونا نشرب اليهال الماي
وحتى مدرستي في الجامعة نصحتني فيه لولدي

# اذا كان البراز لونه اخضر يدل ع الحليب ما ناسبه او مريض او شو بالضبط ؟؟؟
هالشي عادي لانه يشرب حليب صناعي

وقولي لاختج لا تحاتي وايد
شكله هذا اول طفل لها
وخبرتها قليلة
ويوم الطفل يصيح من الغازات وجي اتم اتمسج بطنة بزيت الزيتون
ولو كان عنده امساك لمدة ثلاث ايام تعطيه تحميلة الجلسرين
على طول بيسويها
وربي يحفظ ولدها

في حفظ الرحمـــــــن

تسلمووولي و الله ..
بس بعد بغيت اساالكم عن حليب بيبيلاك ؟!! حد يعرف عنه شي
و هو مفيد لليهآآل ولا لاء ؟؟

ماعرف عنهم شي انا استخدم سميلاك ادفانسد

زيت زيتون طبعا احسن شي …. بس انا بصراحه كنت استخدم زيت اليهال لان ماعندي زيت زيتون وكل ما اطلع انسى اشتري

الحليب اذا سوا للياهل غازات وامساك وتم كله يصيح من يشربه معناه ما يناسبه هالحليب ..

بعد عمر 6 شهور احسن لان ظهر الياهل بيكون ضعيف قبله ومب زين اتيلسينه لان ممكن يتعور
اما عن الحلبه ماعرف

بيكون الولد ياه فايروس وطلع من الصوب الثاني … وبالعاده يوم اتغيرين للياهل الحليب لون البراز يتغير لان بطنه بعده مب متعود على هالحليب …
س اذا استمر البراز يومين او ثلاث ايام وديه العياده على طول

# حلييب يسمن البيبي ؟؟و هل نان يسمن؟؟او اس 62 شو فايدة التمر للبيبي ؟؟

اختي انا يهالي جربتلهم سميلاك و ماارتحت عليه لان سببلهم امساك و جربت اس 62

و استقريت اخر شي على نان1 الحمد لله صحتهم زينة هم توام بس اوزانهم مناسبه جدا لاعمارهم ماشاء الله تبارك الرحمن

#شو الاحسن مسح البيببي بزيت الزيتون او زيووت الاطفال احسن ؟؟

الافضل زيت اطفال انا اخاف على بشرتهم من زيت الزيتون احسه ثجيل

#كيف تعرف انه الحليب نااسب و لدها ؟؟

اهم شي مايسبب الامساك واذا يتمون يصيحون

#متى نبدا نقعد اليآآهل ؟؟و شو هي فااييدة الحلبه للياهل ؟؟
انا يهالي بديت اقعدهم من عمر ال 5 شهور و في يقعدونهم من عمر ال 4 شهور

بس انا خفت عليهم

#الماء له أضرتار و ليش ما نعطيه لياهل لحد ما يكمل 6 شهور ؟؟

الماي بديت اعطيه للكتاكيت من عمر ال 4 شهور ونص تقريبا يعني من بدوا ياكلون

# اذا كان البراز لونه اخضر يدل ع الحليب ما ناسبه او مريض او شو بالضبط ؟؟؟
عادي جدا خاصتا المواليد الجدد