اخواتي ,,,
مشكلتي مع طفلي ,, هو صف الروضة الثانية
وكتابتة وايد ضعيفة ومب عارفة شو اسوي ,, حاولت كل مرة اكون وياة ونكتب وخلية يكتب
ويعيد الحروف بس يقولي دايما هو تعبان فا اخلية كل مرة اشوي
بليز الي عندة حل يساعدني
او الي يعرف وحدة تدرس او تعلم الطفل الكتابة
طفلي الاول الحمدالله اوكية عادي كان ولا مر علية مثل ولدي الثاني
والسموحة
وهاي عن تجارب واحب اقولج لا تضغطين عليه لان هاي هي قدراته
وانا بتبع طريقتج اختي يا قوتة تسلمين
و ام عبادي وbulbula
تسلمون والله
والله اني ما استعجل حاول اشوي اشوي
بس المشكلة هي ان المدرسة بيعطونهم امتحان لكلمات وهو حرف مب قادر 
مثلا بابا بيت بحيرة
والانجليزي كذالك
والارقام
الله ينور لة دربة يا رب ويسهل علية ان شاءلله
والف شكر لكم
والله يحفظكم
أولا أشتريله أوراق ودفاتر للبيت يشخبط يرسم دواوير مربعات علميه بطريقة انج تسويله مربع بالنقوط وهو يكمل وراج, بتقولين شو الفايده اعلمه مربعات ودواوير ابا حروف وأرقام, انا بقولج ليش في هالسن الطفل لازم يتعود عالقلم وكيف يمسكه ويحركه فالاحرف ما بتعيبه الرسوم بيرتاح وبيشخبط وبيخلص الاوراق بالتشخبيط بس خلاص بيكون تمكن من مساكت القلم والكتابه…
ثانيآ دخليه فالجد من اول مره ما بيفلح امسكي يده وبعدين سويله صفحه كامله احرف بالنقط خله يعيد وراهن واذا خلصته وسويته كله صح بحطلك نجمه وبعطيك ( اذكريله شي هو يحبه ) وصدقيني بس شوية انتباه منج وبيكون أوكيه..
أنا عيبني كتاب فيه أحرف وارقام ودوائر ومربعات كل الاشكال بالنقوط الياهل يعيد وراها ويمسحها بالكلينكس مثل الصبوره وهو كتاب ثقيل فيه كذا صفحه خذته من معرض الكتاب وااااايد استفادوا منه عيالي الحمدالله..
والله يوفق ولدج ان شالله
والله مشكووووووووووووورة حبيبتي ^_^
وما قصرتي وان شاءلله بحاول بكل الطرق يا رب ان شاءلله يسهل علية
وتسلمين والله
والله يعطيج الصحة والعافية